Yisinke Uhompa waKarunga?
Ngapi ono kugazara . . .
-
sininke sa kara momutjima goge ndi?
-
evega lyemeguru ndi?
-
ndi epangero lyemeguru?
EYI AZI UYUNGA BIBELI
“Uhompa wouzuni ntaantani una kara nye waHompa gwetu naKristusa gwendi.”—Ehororo 11:15.
“Hompa Karunga nga mu pa uhompa . . . Age nga pangera . . . dogoro narunye.”—Rukasa 1:32, 33.
MULYO GONONKANGO ODO
-
Ngapa kara epangero lyewa eli ngali ku retera mauwa.—Jesaya 48:17, 18.
-
Mouzuni woupe, kapi ngatu ka vera ntani ngatu ka kara noruhafo.—Ehororo 21:3, 4.
KUVHURA TU PURE EYI ZA UYUNGA KO BIBELI NDI?
Nhi, morwa nokonda mbali:
-
Jesus kwa likidire eyi ngau ka rugana Uhompa waKarunga. Jesus kwa rongere vasikuli vendi va kanderere Uhompa waKarunga u wize u ya sikise mo mpango zaKarunga pevhu. (Mateusa 6:9, 10) Jesus kwa likidire omu ekanderero olyo ngava li limburura.
Apa ga kere pevhu, Jesus ga kutikire wonzara nokuverura vaveli ntani nokuvhumbura vafe. (Mateusa 15:29-38; Johanesa 11:38-44) Ngomupangeli goUhompa waKarunga, Jesus kwa likidire eyi ngau ka ruganena Uhompa vantu.—Ehororo 11:15.
-
Yihorokwa youzuni ou kulikida asi Uhompa waKarunga ntaantani u wize. Jesus kwa pumbire asi komeho tupu Uhompa u wize nokureta mbili pevhu, mouzuni ngamu kara mauvera noyita nerumbu ntani makankamo gevhu.—Mateusa 24:3, 7.
Yininke oyo kuna kuhoroka naina. Ayo kulikida asi Uhompa waKarunga ntaantani ngau ya hagekese po maudigu ogo nagenye.
GAZADARA KO
Ngapi ngali ka fana eparu apa ngau ka pangera Uhompa waKarunga?
Bibeli kugava elimbururo kepuro olyo mEPISAROME 37:29 ntani mwaJESAYA 65:21-23.
Kuvhura o hafere hena
RUHUNGU
Yisinke ngau sikisa mo Uhompa waKarunga?
Jesus ga yi divire asi Uhompa waKarunga yiwo welike epangero ngali gusa po maudigu apa pevhu. Yisinke wa rugana Uhompa waKarunga?
RUHUNGU
Uhompa waKarunga
Yininke ntazimwe eyi ayi likida asi Uhompa kapi wa kara noufuki.
KUTUHAMENA
Morwasinke natu lirongera Bibeli?
Bibeli kuna kuvatera mamiliyona govantu mouzuni mudima va gwane malimbururo komapuro gomulyo meparu. Ono hara kukara gumwe gwawo ndi?
