Vafe ngava ka paruka hena ndi?
Ngapi ono kugazara . . .
-
nhi?
-
ndi hawe?
-
ndi walye?
EYI AZI UYUNGA BIBELI
“Ngava va pindura koufe.” —Yirugana 24:15.
MULYO GONONKANGO ODO
Kutuhengangwida apa atu fisa. —2 Vakolinte 1:3, 4.
Kutumangurura moupika wokutjira nomfa.—Vahebeli 2:15.
Kutupa ehuguvaro lyokukamona ava va fa.—Johanesa 5:28, 29.
KUVHURA TU PURE EYI ZA UYUNGA KO BIBELI NDI?
Tu tareni nokonda ntatu:
-
Karunga yige musiti gweparu. Bibeli kutanta asi Jehova Karunga “yige a pe nayinye mwenyo.” (Yirugana 17:24, 25; Episarome 36:9) Karunga ogu ga gava mwenyo kwanayinye kuvhura a tengwidire eparu kwava va fa.
-
Karunga ga vhumbwire nare vantu vamwe. MoBibeli kwa tumbura mo vantu ntantatu ava va vhumbwire keparu lyepevhu, kwa hamenene mo vadinkantu novakondi novagara novakadi. Vamwe kwa fire karuwogona, ano gumwe kwa kere montoko mazuva gane!—Johanesa 11:39-44.
-
Karunga ana hara kukayirugana hena. Jehova ga nyenga nomfa, azo nkore zendi. (1 Vakolinte 15:26) Nga zonagura po nkore ozo kupitira mevhumbuko. Ana hara kutengwidira vafe keparu lyepevhu ‘nokuvahafera’ hena.—Joba 14:14, 15.
GAZADARA KO
Kuvhura o hafere hena
KUTUHAMENA
Morwasinke natu lirongera Bibeli?
Bibeli kuna kuvatera mamiliyona govantu mouzuni mudima va gwane malimbururo komapuro gomulyo meparu. Ono hara kukara gumwe gwawo ndi?
