Pepi naBabironi pwa kere sitata saUru omu vantu ngava karere yikarunga yoyimpempa. Nye moUru mwa kere mugara ogu nga karere Jehova. Edina lyendi Abirahamu.

Jehova kwa tanterere Abirahamu asi: ‘Tunda mo mosirongo sekoro lyoge nemembo lyoguho, o ze kosirongo esi ngani ku likida.’ Karunga ta mu tumbwidire asi: ‘Ame ngani ku ninka ngo kare muhoko gomunene, moge yimo ngani tungikira vantu navenye vepevhu.’

Abirahamu kapi ga divire oku ga mu tumine Jehova, nye ga mu huguvarere. Abirahamu namukadendi Sara noguhwe Tera ntani simpumba sendi Roto kwa rongerere nokutunda moUru.

 Abirahamu kwa kere nonomvhura 75 apa ga ka sikire mosirongo esi ga va likidire Jehova. Edina lyaso Kanani. Karunga makura ta uyungisa Abirahamu nokumutumbwidira asi: ‘Sirongo esi ngani si pa ruvharo roge.’ Nye Abirahamu naSara kwa kurupire unene ntani kapi va kere novana. Ngapi Jehova ga sikisire mo etumbwidiro lyendi?