RUHUNGU No. 1 2018 | Twa hepa simpe Bibeli naina ndi?
TWA HEPA SIMPE BIBELI NAINA NDI?
Mokumona asi yikwakonentu yina vhuka mouzuni ou, twa hepa simpe Bibeli naina ndi? Bibeli kutanta asi:
“Nkenye etjangwa, eli za retesa po Mpepo zaKarunga, kwa kara nomulyo gokuronga usili.”—2 Timoteusa 3:16.
Ruhungu oru kutuvatera tu konakone omu Bibeli nazi vhura kutupitisira meparu.
Twa hepa mavyukiso gomoBibeli naina ndi?
Mokumona asi naina ureru kugwana mavyukiso, hepero sili tu rese Bibeli ezi va tjenge nomvhura 2 000 da ka pita ndi?
Unongo ou twa hepa kuugwana tupu moBibeli
Nampili ngomu ava zi gazara asi Bibeli kapi twa zi hepa ngesi, magano gamo mulyo ntani kapi aga kurupa.
Bibeli za pwa mulyo ndi?
Bibeli kapisi buke zounsitwe, nye kwa tumbura mo magano kuhamena unsitwe aga naga vhura kututetukisa.
1 Ngazi ku vatera o nyokere po maudigu
Koneka omu unongo waKarunga wa vatera vantu va nyokere po maudigu gamwe meparu.
2 Ngazi ku vatera o kohonone po maudigu
Bibeli kutupa unongo yipo tu kohonone po maudigu gokutwikida nokutunyegenyesa, ngwendi sinka sokupitakanena nonkareso zokurangapeka yirugana ntani nomukuma.
3 Ngazi ku vatera o lididimikire maudigu
Ngapi kuhamena maudigu aga natu dira kuvhura kukohonona po, ngwendi uvera wokudira kuveruka nonomfa?
Bibeli ntani nehuguvaro lyoge lyokomeho
Bibeli kutuvatera kweyi yina tu karere komeho, ngwendi maudigu aga tuna kuligwanekera nago mouzuni ou. Ntani azo kuhorora yokomeho.
Yisinke za uyunga ko Bibeli?
Koneka eyi ava uyunga ko vantu vamwe ntani neyi azi rongo Bibeli kuhamena epuro eli.
