Yilye Karunga?
Vantu wovanzi kuuyunga asi va pura mwaKarunga. Nye nsene o va pura asi yilye Karunga, ngo gwana malimbururo gokulisiga-siga. Vamwe kutanta asi Karunga mupanguli gonyanya, ogu ga hara kutengeka vantu koyirugana yawo yoyidona. Ano vapeke kutanta asi age Karunga geharo ogu a gusire po, yi kare asi yisinke ono rugana. Vamwe hena asi Karunga kwa kara ure ntani kapi ga litura mo mwetu. Morwa magano ogo gokulisiga-siga, wovanzi kulizuvha asi kapi to vhuru kudiva Karunga.
Ayo mulyo kudiva Karunga ndi? Nhi, mulyo. Kudiva nawa Karunga mulyo unene morwa ngayi rundurura eparu lyoge. (Yirugana 17:26-28) Moomu ono kuhedera Karunga pepi, yimo nga ku hara nokukuvatera. (Jakopo 4:8) Pokudiva Karunga, ngayi ku vatera ngo ka gwane mwenyo gwanarunye.—Johanesa 17:3.
Ngapi no vhura kudiva Karunga? Gazadara ko kuhamena kaume koge. Ngapi wa tulisire po ukaume nage? Pomuhowo, ove kwa divire edina noyikara yendi, neyi ga hara neyi ga nyenga, neyi ga rugana neyi ana kugazara kurugana komeho, ntani nayimwe hena ngoso. Eyi yiyo ya ku ninkisire o tulise po ukaume nage.
Mokulifana, kuvhura tu dive Karunga pokukonakona mapuro aga:
Sifo esi kwa si wapaika mokugava malimbururo gomoBibeli komapuro ogo. Yirongwa yomosifo esi, nayi ku vatera o dive Karunga ntani nomauwa aga no gwanena mo pokutulisa po ukaume nage.
Kuvhura o hafere hena
RUHUNGU
Edina lyaKarunga yilyo yilye?
Wa yi diva asi Karunga ga kara nedina eli ali mu singonona ndi?
RUHUNGU
Kuvhura tu dive Karunga ndi?
Pwa kara yininke yokuhamena Karunga natu vhura kukwata egano eyi nayi tu vatera tu mu dive.
