Usili kuhamena Uhompa waKarunga
Jesus kwa rongere vasikuli vendi va kanderere asi: ‘Guhyetu gemeguru. Edina lyoge ava li pongore. Uhompa woge au wize. Mpango zoge ava zi sikise mo pevhu ngwendi meguru.’ (Mateusa 6:9, 10) Yisinke Uhompa waKarunga? Yisinke una kurugana? Morwasinke atu u hundilire u wize?
Jesus yige Hompa goUhompa waKarunga.
Rukasa 1:31-33: “Ngo mu ruke Jesus. Age nga kara munene, age ngava mu tumbura asi MunwaKarunga gekeguru-guru. Ano Hompa Karunga nga mu pa uhompa wazinakuru Ndafita. Age nga pangera rudi rwaJakopo dogoro narunye, ano uhompa wendi kapi ngau paka uhura.”
Apa Jesus nga udisa, age nkenye apa nga uyunga kuhamena Uhompa.
Mateusa 9:35: “Jesus nga gendagura moyitata nayinye nomonomukunda nadinye, oku ta rongo monosinagoge dawo, ta udisa Mbudi zoNgwa zoUntungi waKarunga, oku hena ta verura nkenye ehamba nankenye uvera nokuyova nakunye.”
Jesus kwa pere varongwa vendi sidiviso mokuvavatera va dive asi Uhompa pepi una kara.
Mateusa 24:7: “Yeeyi nomuhoko ngadi lilimba-limba, ano yi kare yirongo, nayo ngayi lilimba-limba. Napenye ngapa kara marumbu nomakankamo gevhu.”
Ngesi varongwa vaJesus kuna kuzuvhisa kuhamena Uhompa uzuni mudima.
Mateusa 24:14: “Mbudi zoNgwa ezi zoUntungi waKarunga tanko ngava zi divisa mwa za uzuni mudima, zi kare umbangi wonomuhoko nadinye, ntani nye ngaku kwama uhura.”
