Nsene pira, nampo wa yi limonena mononkedi dapeke. Rorunzi, ose kuzuvha kuhamena vantu ava va nyenga, konda kuna kara asi morwa awo kwa tundilira koyirongo yapeke ndi komarudi gapeke ndi kwa likwara vagara novagara ndi vakadi novakadi. Ngoyitundwamo, sinzi somapangero kuna kutulisa po noveta dokutengeka vantu ava ava rugana ukorokotji morwa awo kwa nyenga mbunga zongandi.

Vantu ava ava lizuvhu asi kwava nyenga kuvarerupira kunyenga vakwawo. Rorunzi vantu ava va nyenga kwa hara kutengwida kuwoko pokunyenga nawo vakwawo nokuvarugana momudona.

Nampo nove va kutekura monkedi zelitondororo noku ku swaura noku ku tjilisa ntani noku ku rundira. Nye yinzi ya hamena mo monyengo. Pasihonena, ayo kuvhura kutwaredesa konyanya, ekwatero kononkondo, kuzonagura yininke, kuhepekera mo vantu, ntani edipago lyomarudi.

Sifo esi nasi ka zogera mapuro aga gana kukwama ko ntani nomu natu nyokera po nyengo:

• Morwasinke pwa karera nyengo?

• Ngapi omu natu nyokera po nkareso zonyengo?

• Ngapa kara siruwo apa vantu ngava dira kukalinyenga hena ndi?