OMU NATU NYOKERA PO NKARESO ZONYENGO
1 | Wa ha kara nompongo
Bibeli kutanta asi:
“Karunga kapi ga paka mpongo, nye mwankenye muhoko nkenye ogu a mu tjira, nye ta rugana youhunga, ta mu tambura.”—YIRUGANA 10:34, 35.
Eyi ali tanta:
Jehova * Karunga kapi atu pangura kuliza nomuhoko gwetu ndi rudi ndi sipapa ndi mpo. Nye age kudemenena komagazaro getu neyi twa hara. Bibeli kutanta hena asi: “Muntu kumona eyi aga mono meho, nye HOMPA kumona momutjima.”—1 Samwere 16:7.
Eyi no vhura kurugana:
Nampili ngomu atu dili kudiva eyi ya kara monomutjima, nye ose kuvhura kuhonena Karunga pokutara vakwetetu ngamoomu a va tara. Hetekera ko kutara muntu pamundinda kapisi ngombunga. Nsene ove kulizuvha asi kapi wa hara rudi rongandi, kanderera kwaKarunga yipo a ku vatere o nyokere po malizuvho gangoso. (Episarome 139:23, 24) Nsene o hundira Jehova kutundilira komutjima a ku vatere o nyokere po kukara nompongo, age nga purakena kekanderero lyoge nokukuvatera.—1 Peturusa 3:12.
^ para. 6 Jehova kuna kara edina lyaKarunga.—Episarome 83:18, NW.
“Kapi na hingira rumwe mombili nosirumbu . . . Ame ngesi kwa hamena kombunga zovantu ava va lihara-hara.”—TITUS
