OMU NATU NYOKERA PO NKARESO ZONYENGO

4 | Nevatero lyaKarunga, nyokera po nyengo

PLAY

Bibeli kutanta asi:

‘Yiyimwa yompepo, eharo nehafo nombili nedidimiko nonkenda nouwa nepuro nougomoki ntani elipangero.’—VAGARATA 5:22, 23.

Eyi ali tanta:

Nevatero lyaKarunga kuvhura kunyokera po nyengo. Mpepo zendi zokupongoka kuvhura kutuvatera tu tunge po yikara yoyiwa eyi twa dira kukara nayo. Yipo nye, mevango lyokuhetekera ko kunyokera po nyengo mononkondo danyamwetu, ya wapa kuhuguvara mevatero eli a gava Karunga. Nsene tu yi rugana, ose ngatu limonena eyi ga limonenene mupositoli Paurusa, ogu ga tjenge asi: “Ame kuvhura nayinye nononkondo dogu a pameke nge.” (Vafilipi 4:13) Yosili, ose ngatu uyunga hena asi: “Ekwafo lyange kutunda kwaHOMPA.”—Episarome 121:2.

Eyi no vhura kurugana:

“Jehova kwa rundurura ukaro wange nokuninka nge ni kare mugara gombili.”—WALDO

Kanderera kwaJehova kutundilira komutjima a ku pe ko mpepo zokupongoka. (Rukasa 11:13) Mu hundira a ku vatere o tunge po yikara yoyiwa meparu lyoge. Lironga eyi za uyunga ko Bibeli kuhamena yikara eyi nayi vhura kugusa po nyengo, ayo kuna kara eharo, mbili, edidimiko ntani elipangero. Papara nonkedi omu no vhura kutunga po yikara oyo meparu lyoge. Ntani tulisa po ukaume novantu ava ava hetekere ko kulikida yikara oyo meparu lyawo. Vantu vangoso ngava kuvatera o ‘hare kurugana yirugana yoyiwa.’—Vahebeli 10:24.

Eyi ya mu horokera meparu—WALDO

Kwa hagekere nyanya

Waldo kwa parukire eparu lyoudigu sili. Age kwa tanta asi: “Rorunzi ngani rwanangana novarandesi yikwepangwe . . . Sikando simwe, tava tumu muntu a ya dipage nge, nye kapi ya mu tompokere, kwa remekere nge tupu nombere.”

Kapi ya hafesere Waldo apa mukadendi ga tamekere kulironga Bibeli noNombangi daJehova. Age kwa tanta asi: “Ame kwa nyengere Nombangi, ano rorunzi ngani va tugumukire nonyanya. Nye awo ngava limburura nge nombili, kapisi yimo na yi ndindilire.”

Konyima, Waldo nage ga ya tamekere kulironga Bibeli. Age kwa tanta asi: “Kapi ya kere ureru kutura pasirugana eyi ngani lirongo. Ngani lizuvhu asi kapi ngani vhura kupangera ehandu lyange.” Nye kosili esi ga lirongere moBibeli esi sa rundwilire malizuvho gendi.

Waldo kwa faturura asi: “Ezuva limwe, ogu nga rongo nge Bibeli, Alejandro, kwa pulire nge ni rese moVagarata 5:22, 23. . . . Alejandro kwa fatwilire asi mokutunga po yikara oyo pwa hepere mpepo zokupongoka zaKarunga, nye kapisi mononkondo danyamwange. Oyo ya va vaterere nge ni huguvare mononkondo daJehova kapisi danyamwange!”

Pokuhuguvara mevatero lyaKarunga, Waldo ya mu tompokere kunyokera po nkareso zonyanya meparu lyendi. Age kwa tanta hena asi: “Ekoro lyange novakaume vange vanare kapi vana kuyipura asi na tura po marunduruko.” Ntani kwa gweda ko asi: “Jehova kwa rundurura ukaro wange nokuninka nge ni kare mugara gombili.”

RUHUNGU

Omu natu nyokera po nkareso zonyengo—Nevatero lyaKarunga, nyokera po nyengo

Rukwangali

Omu natu nyokera po nkareso zonyengo—Nevatero lyaKarunga, nyokera po nyengo

https://cms-imgp.jw-cdn.org/img/p/2022014/univ/art/2022014_univ_sqr_xl.jpg

wp22 No. 1 epe. 12-13

Bibeli kutanta asi:

Eyi ali tanta:

Eyi no vhura kurugana:

Omu natu nyokera po nkareso zonyengo—Nevatero lyaKarunga, nyokera po nyengo

HOROWORA OMU NO KWATEKA

Horowora Eraka Lyoge

Tumina wopeke