1. 1. SATANA MUZONAGULI. Satana, muengeli ogu ga rwanesere, yige a retesa po malinyengo aga tuna kumona naina. Karunga nga ka zonagura po Satana ntani nanavenye ava va nyenga vakwawo.​—Episarome 37:38; Varoma 16:20.

2. 2. UZUNI OU WOUDONA WASATANA. Karunga nga ka zonagura po yininke nayinye yoyidona yomouzuni ou, kukwatera mo vanapolitika novampitisili womaukareli ava ava korangeda nyengo. Ntani hena nga ka gusa po nongesefa edi adi korangeda madowo noudona ntani nokuhepekera mo vantu.​—2 Peturusa 3:13.

3. 3. KUDIRA KUSIKILIRA MO KOVANTU. Bibeli kufaturura asi vantu navenye kwa pinga kudira kusikilira mo, nkareso ezi azi va ninkisa va gazare nokukara nomalizuvho gomadona. (Varoma 5:12) Zimwe zononkareso odo kuna kara kunyenga wopeke. Vantu kapi ngava ka linyenga hena morwa Karunga nga ka va vatera va nyokere po nkareso zangoso.​—Jesaya 54:13.

1. 1. KWATO OGU NGAVA KA TEKURA MOMUDONA. Uhompa waKarunga ngau ka pangera evhu nalinye, awo ngau pangera kutundilira meguru noku ka reta uhungami pevhu narunye nanarunye. (Ndaniyera 2:44) Elitondororo nokatongotongo kapi ngayi ka kara ko hena. Karunga nga ka gusa po maudona nagenye aga vana kuligwanekera nago ngesi vantu.​—Rukasa 18:7.

2. 2. NAVENYE NGAVA KA KARA MOMBILI. Kwato ogu nga ka hepa morwa yita ndi nyanya. (Episarome 46:9) Evhu ngali ka kara evango lyewa morwa vantu ava ngava ka tunga po vaava tupu va hara mbili.​—Episarome 72:7.

3. 3. NAVENYE NGAVA KA PARUKA NARUNYE MOUKARO WOUWA. Vantu navenye ava ngava ka tunga pevhu ngava ka lihara-hara. (Mateusa 22:39) Kwato ogu nga ka hepa komagazaro ndi koyihorokwa yoyidona eyi ya mu horokera nare. (Jesaya 65:17) Apa ngava ka gusa po nyengo, vantu “ngava ka hafera mpora zonene.”​—Episarome 37:11.

Nove ono hara kukaparuka mouzuni wangoso ndi? Nampili ngesi, sinzi sovantu kuna kulironga kunyokera po nkareso zonyengo pokutura pasirugana nompango domoBibeli. (Episarome 37:8) Eyi yiyo dina kurugana Nombangi daJehova mouzuni mudima. Nampili ngomu va tundilira konompo dokulisiga-siga nokuuyunga maraka gokulisiga, awo kuna kara mouumwe ntani kwa lihara-hara.​—Jesaya 2:2-4.

Nombangi daJehova nadi ka yi hafera kukutantera ko eyi va lironga kuhamena omu no lididimikira udona ntani elitondororo. Eyi ngo lironga ngayi ku vatera o nyokere po sikara sonyengo nokutunga po sikara seharo. Ntani ngo diva omu no tekura vantu nombili, yi kare asi wokudira rupandu ndi ava va kara nonyengo. Ngoyitundwamo, ove ngo gwana ruhafo ntani ngo kara nelikwatakano lyewa nava wopeke. Unene po, ove ngo lironga omu ngo ka paruka mepangero lyoUhompa waKarunga omu ngamu dira kukakara nyengo narunye nanarunye.​—Episarome 37:29.