1 | Ekanderero—“Mu peni yinka yeni nayinye”
BIBELI KUTANTA ASI: “Mu peni yinka yeni nayinye, morwa age kumupakera mbili.”—1 PETURUSA 5:7.
Eyi ali tanta
Jehova Karunga ana hara tu mu tantere maudigu getu aga aga tu koresa nokuturetera yinka. (Episarome 55:22) Kwato udigu ou nau mu vhura. Nsene asi ayo mulyo kwetu, kwaJehova nayo mulyo. Kutantera Jehova udigu wetu kupitira mekanderero kutuvatera tu gwane mbili zopomagazaro.—Vafilipi 4:6, 7.
Omu nayi kuvatera
Apa atu hepa kouvera wopomagazaro, ayo kutuninkisa tu lizuvhe asi nyoselike tuna kara. Narunye vantu kapi ava kwata egano eyi tuna kupita ndi omu tuna kulizuvha. (Yisewe 14:10) Nye apa atu tantere Karunga mekanderero omu tuna kulizuvha, age kutupurakena nokutukwata egano. Jehova kutumona, ga diva kukora oku tuna kuligwanekera nako ntani ana hara tu mu tantera yinka yetu nayinye kupitira mekanderero.—2 Histoli 6:29, 30.
Kuuyunga naJehova mekanderero kutupa ehuguvaro asi age kutupakera mbili. Ose kuvhura kulizuvha ngwendi muepisarome ogu ga tente asi: “Ove kumona runyando rwange, yiyo wa diva udigu wange.” (Episarome 31:7) Pokudiva asi Jehova kumona eyi tuna kupita, kutuvatera tu lididimikire udigu wetu. Age kapi tupu a mono maudigu getu, nye hena kukwata egano eyi tuna kupita nokutuhengagwida ntani kutunkondopeka kupitira moBibeli.
Kuvhura o hafere hena
RUHUNGU
Monkedi musinke no kanderera yipo Karunga a ku zuvhe?
Ose kuvhura kuuyunga naKarunga kuziguruka ndi momutjima nkenye oku tuna kara ntani nkenye siruwo. Jesus ga tu vatera tu dive eyi natu vhura kuuyunga.
RUHUNGU
Karunga kuzuvha makanderero getu ndi?
Bibeli kutupa ehuguvaro asi Karunga kutupurakena apa atu kanderere kwendi monkedi zouhunga.
KUTUHAMENA
Tura mo ehundiro
Gwana elimbururo kepuro lyomoBibeli ndi lironga ko yoyinzi kuhamena Nombangi daJehova.
