Karunga kukupakera mbili
MOBIBELI kwa kara mo magano gomawa, morwa kwa tunda kwaKarunga. Azo kapisi buke zouhaku nye kuvhura zi tu vatere yipo tu lididimikire maukaro gokulisiga-siga ngwendi uvera womutwe, kuhandauka, kuguva-guva, kukora gopomalizuvho ntani magazaro gomadona.
Nye unene po, Bibeli kutanta asi Musiti gwetu Jehova a Karunga yige ga diva nawa-nawa magazaro nomalizuvho getu. Age ga liwapaikira kutuvatera komaudigu nagenye aga atu ligwanekere nago. Pasihonena, tara matjangwa aga gavali:
‘HOMPA kukara pepi nava vana dompo nomutjima; age kuparura ava lina pu ehuguvaro.’—EPISAROME 34:18.
“Nyame HOMPA Karunga goge; ogu ani ku nkondopeke nina kutanta asi: Wa ha tjira, ame tani ku kwafa.”—JESAYA 41:13.
Monkedi musinke Jehova a tu vatere tu lididimikire uvera wopomagazaro? Yirongwa yina kukwama ko, nayi ku vatera o dimburure asi Jehova kutupakera mbili nokutuvatera mononkedi dokulisiga-siga.
a Jehova kuna kara edina lyaKarunga.—Episarome 83:18, NW.
