Nsene mulikwali goge ana hondere
AYO kuguvisa sili unene nsene mulikwali goge a hondera. Yimo, valikwali vamwe kuvhura kudongwenena po mukwawo ogu ana litezurura nokutengwidira po hena elikwatakano lyawo. * Nye nampili ngomu ava dongwenene po vakwawo simpe kutwikira kulididimikira kukora kopomalizuvho. Yisinke nayi va vatera yipo va lididimikire ukaro wawo?
MATJANGWA AGA NAGA KU VATERA
Nampili ngomu ayi koresa, sinzi sovalikwali kugwana ehengagwido moMatjangwa. Awo va lironga asi Karunga kumona mahodi gawo ntani kuvafira nkenda.—Marakiya 2:13-16.
“Nsene nina kara noyinka momutjima gwange, makura ove to gu tendekere nge.”—Episarome 94:19.
Bili kwa tanta asi: “Apa na resere velise ezi, na lizuvhire omu Jehova ana ku hengagwida nge ngaguhya geharo.”
“Mufenkenda tomu ruganene paufenkenda.”—Episarome 18:25.
Carmen, ogu mugara gwendi nga hondere, kwa tanta asi: “Mugara gwange kapi nga uyunga usili. Nye ame kwa huguvarere mwaJehova. Jehova kapi nga sigilira nge.”
“Walye omu kara nosinka soyuma. Nye momakanderero geni omu hundire nkenye eyi muna hepa kwaKarunga. . . . Ano mbili zaKarunga, ezi za pitakana unene nondunge nadinye, ngazi kungira nomwenyo deni.”—Vafilipi 4:6, 7.
Sasha kwa tanta asi: “Ame ngani ruguruka kuresa velise ezi. Ngomu ngani kanderere nkenye apa, Karunga ga pere nge mbili.”
Navenye ava vana tumbura mosirongwa esi kwa lizuvhire ngwendi va fe. Nye va huguvarere mwaJehova Karunga ntani nokugwana nonkondo moNonkango dendi. Bill kwa tanta asi: “Epuro lya vatere nge ni mone eparu asi mulyo nampili ngomu na ligwanekerere nomaudigu. Nampili ngomu udigu wange wa fene ngwendi kuna kugenda ‘medamenena lyomundwire,’ Karunga kwa kere pwange.”—Episarome 23:4.
^ para. 4 Mokugwana mauzera kuhamena nsene kuvhura o dongwenene po mulikwali goge ndi hawe, tara yirongwa yomoAwake! 22 Kudumogona 1999 moRuingilisa kuhamena “Nsene mulikwali ana hondere.”
Kuvhura o hafere hena
RUHUNGU
Karunga kumukoresa apa o kara momaudigu ndi?
Bibeli kutupa ehuguvaro asi Karunga ga tu diva nokutukwata egano ntani kutuzuvhira mo.
RUHUNGU
Omu nayi ku tompoka konyima zelizumbo
Sinzi sava ava lizumbu kulizuvha asi eparu kuyadigopa kupitakana omu va yi ndindilire. Mapukururo goBibeli kuvatera o lididimikire maudigu konyima zelizumbo.
