Yisinke za uyunga ko Bibeli?
Ngapa kara sili uhungami apa pevhu ndi?
Yisinke no uyunga ko?
Nhi
Ndi hawe
Ndi walye
Eyi za uyunga ko Bibeli
“Na diva asi, ove HOMPA kupopera muhepwe, nononkango domunaruhepo.” (Episarome 140:12) Uhompa waKarunga ngau reta uhungami apa pevhu.
Yisinke hena natu lirongera mo moBibeli?
Karunga kumona udona ou una kuhoroka mouzuni, ntani nga ka u gusa po.—Muudisi 5:8.
Uhungami waKarunga ngau reta mpora negameno apa pevhu.—Jesaya 32:16-18.
Karunga kwa hara po rudi rumwe kupitakana marudi makwawo ndi?
Vamwe kutanta asi Karunga kwa tungika ndi kwa finga marudi gamwe, ano vamwe asi Karunga kutekura vantu navenye monkedi zokulifana. Ngapi ono kugazara ko?
Eyi za uyunga ko Bibeli
“Karunga kapi ga paka mpongo, nye mwankenye muhoko nkenye ogu a mu tjira, nye ta rugana youhunga, ta mu tambura.” (Yirugana 10:34, 35) Karunga kutara vantu navenye asi kwa hetakana.
Yisinke hena natu lirongera mo moBibeli?
MoBibeli kwa kara mo ‘mbudi zongwa zomarudi nagenye nomaraka nagenye nonomuhoko nadinye.’—Ehororo 14:6.
