Nomvhura 3 500 da ka pita, Jehova Karunga kwa tanterere vakareli vendi eyi va hepere kurugana mokukara nomeho zongwa asi: “Ame ngesi tani mu pe ehoroworo pokatji komwenyo nonomfa nopokatji ketungiko lyaKarunga nefingiliro lyaKarunga. . . . Horoworeni po mwenyo.”—Deuteronomium 30:19.

Mokukara nomeho zongwa, vantu owo va hepere kutura po matokoro gomawa. Yina lifana nanaina. Bibeli za faturura omu natu horowora meho zongwa: “Hareni HOMPA Karunga gweni, tomu mu limburukwa” ndi tomu mu purakene.—Deuteronomium 30:20.

LIRONGA BIBELI: Mokuhara Jehova, pomuhowo wa hepa kulironga kumuhamena kutundilira moBibeli. Moomu no lironga, yimo ngo ya dimburura asi age Karunga geharo ogu ana ku harere uwa. Age kuna kukuzigida o kanderere kwendi morwa ‘age kukupakera mbili.’ (1 Peturusa 5:7) Bibeli kwa tumbwidira asi nsene o hetekera ko kumuhedera pepi, ‘nage ta ku heda pepi.’—Jakopo 4:8.

TURA PASIRUGANA EYI ONO KULIRONGA: Kupurakena ndi kulimburukwa Karunga kutanta asi kukwama mavyukiso gendi aga ga kara moBibeli. Moomu ngo di kwama, yimo “ngayi ku wapera nononzira doge, ove ngo kare nerago.”—Josuwa 1:8.