Nampili ngoso, sinzi sovantu kusinganyeka nsene kuvhura va kare nomeho ezi va hara ndi va tokomena. Awo kuna kuligwanekera noyihorokwa yohararasi ngwendi uvera vana kutumbura asi Korona, eli lina kundama eparu lyovantu momudona nokureta nzara ntani kuna kudipaga vantu wovanzi. Ngoyitundwamo, awo vana kara nosinka kuhamena meho zawo.

Morwa kukara nomasinganyeko, vantu kuna kupapara nononkondo eyi nayi va vatera va kare nomeho zongwa. Vamwe kugazara asi eparu lyawo va li va tokwera nare. Wovanzi kugazara asi erongo lyokuzeruka noungawo, kuna kara yininke eyi nayi vhura kuvavatera va gwane eyi va hara. Vamwe hena kugazara asi kukara muntu gomuwa yiyo tupu ya hepa po mokukara nomeho zongwa.

Nonkedi nadinye odo kuvhura kukuninkisa o kare nomeho ezi wa tokomena ndi? Mokugwana elimbururo, twa hepa kukonakona mapuro aga:

• Yisinke nawa-nawa ya hepa po mokukara nomeho zongwa?

• Erongo lyokuzeruka noyimaliwa ya gwanena po mokukara nomeho zongwa ndi?

• Kukara muntu gomuwa ya gwanena po mokukara nomeho zongwa ndi?

• Kupi no gwana mavyukiso aga naga ku vatera o kare nomeho zongwa?

Sifo esi kuvhura si ku vatere o gwane malimbururo.