Yisinke za uyunga ko Bibeli?
Bibeli kuvhura zi ku vatere o lididimikire yinka ndi?
Ngapi ono kugazara?
Nhi
Ndi hawe
Ndi walye
Eyi azi uyunga ko Bibeli
“Mu peni yinka yeni nayinye [Karunga], yeeyi age kumupakera mbili.” (1 Peturusa 5:7) Bibeli kutupa ehuguvaro asi Karunga kuvhura kutuvatera tu lididimikire yinka yetu.
Yisinke hena natu lirongera mo moBibeli?
Nsene o kanderera ngo gwana “mbili zaKarunga,” ezi ngazi sesupika yinka.—Vafilipi 4:6, 7.
Ntani kuresa Nonkango daKarunga ngayi ku vatera o lididimikire yinka.—Mateusa 11:28-30.
Yinka ngayi haga po ndi?
Vantu vamwe kwa pura . . . asi yinka kuna kara ruha rweparu lyovantu, ano vamwe kutanta asi yinka kuhaga po tupu ntudi nsene muntu ana fu. Ngapi ono kugazara ko?
Eyi azi uyunga ko Bibeli
Karunga nga ka gusa po eyi ayi retesa po yinka. “Nomfa kapi hena ngadi kara ko, neguwo si nomalirankali nokukora kapi ngayi kara ko hena.”—Ehororo 21:4.
Yisinke hena natu lirongera mo moBibeli?
Mepangero lyaKarunga, vantu ngava ka paruka mombili negameno.—Jesaya 32:18.
Yinka ngava ka yi divara.—Jesaya 65:17.
