Yisinke za uyunga ko Bibeli?
Karunga kulimburura makanderero nagenye ndi?
NGAPI ONO KUGAZARA AGE KULIMBURURA MAKANDERO . . .
Gankenye ogu
Ndi gavamwe tupu
Ndi kwato
EYI ZA UYUNGA KO BIBELI
“Age kwa kara pepi nava . . . ava ava mu zigida mousili.”—Episarome 145:18.
YISINKE HENA NATU LIRONGERA MO MOBIBELI?
Karunga kapi a limburura makanderero govantu ava ava dili kumulimburukwa. (Jesaya 1:15) Nye, nsene va tambura “nonkango” ndi va litezurure, Karunga kuvhura a limburure makanderero gawo.—Jesaya 1:18.
Mokuninka asi Karunga a limburure ekanderero, lya hepa kuliza nonompango dendi domoBibeli.—1 Johanesa 5:14.
Ngapi omu naru kara rutu rwetu nsene tatu kanderere?
VAMWE KWA PURA asi twa hepa kutongamena ndi kunyongeka nomutwe detu ndi kutura mawoko kumwe nsene kuna kukanderera. One ngapi omu gazara ko?
EYI ZA UYUNGA KO BIBELI
Karunga kwa tambwire makanderero gava va ‘hingilire’ nava va ‘nyongamene’ ndi ava va ‘tongamenene.’ (1 Histoli 17:16; 2 Histoli 30:27; Esira 10:1; Yirugana 9:40) Jehova kapi a ndindire asi marutu getu ga kare monkedi zongandi pokukanderera.
YISINKE HENA NATU LIRONGERA MO MOBIBELI?
Karunga kupurakena kovalinunupiki.—Episarome 138:6.
Kuvhura o kanderere mwankenye eraka ndi momutjima.—2 Histoli 6:32, 33; Nehemiya 2:1-6.
