SIRONGWA SELIRONGO 21
Wa ha ku pukisa “unongo wouzuni ou”
“Unongo wouzuni ou ugova kwaKarunga.” —1 KOL. 3:19.
RUSUMO 98 Matjangwa kwa ga retesa po Karunga
ETWAROMO *
1. Yisinke adi tu rongo Nonkango daKarunga?
MOKUMONA asi Jehova yige a tu rongo, ose kuvhura yi tu tompoke meparu. (Jes. 30:20, 21) Nonkango dendi kutuvatera tu “sikilire mo” ntani hena tu “fire kurugana yirugana nayinye yoyiwa.” (2 Tim. 3:17) Apa atu kwama mavyukiso gomoBibeli, ose kukara nounongo kupitakana vantu ava ava korangeda “unongo wouzuni ou.”—1 Kol. 3:19; Epis. 119:97-100.
2. Yisinke natu ka konakona mosirongwa esi?
2 Ngomu natu ka yi mona mosirongwa esi, unongo wouzuni ou kuhafesa tupu madowo getu. Eyi yiyo nye ayi tu karerere udigu kunyokera po yirugana yovantu ava va hamena kouzuni ou. Bibeli kuturondora asi: “Omu takamese, walye ava mu diinine po vantu nounongo nomasanseko goyimpempa aga ga tunda konompo dovantu.” (Koros. 2:8) Mosirongwa esi tatu ka lironga omu vantu va tamekere kupura yimpempa yivali yaSatana. Tatu ka konakona hena omu unongo wouzuni ou wa kara ugova ntani nomu unongo womoNonkango daKarunga wa kara nomulyo.
OMU VANTU VA TERE ELIGWANEKERO PANYAMA
3-4. Magano musinke gepuko kuhamena eligwanekero panyama va kere nago vantu womoAmerika kutundilira mo-1900 dogoro mo-1930?
3 Kutundilira mo-1900 dogoro mo-1930 vantu womoAmerika kwa tamekere kukara nomagano gepuko kuhamena eligwanekero panyama. Komeho zonomvhura odo, vantu kwa pulire asi eligwanekero panyama kwa wapera tupu vantu ava va likwara ntani kapi ngava yi zogere mombunga. Nye mutaro govantu kwa li tjindjire ntani eyi kwa li hene unene.
4 Konyima zoyita yokuhova youzuni mudima, vantu kwa ya kere nomutaro gepuko kuhamena eligwanekero panyama. Mulirongi gumwe kwa tanta asi: “Novidiyo nononsumo noyidanauka nonobuke kwa tamekere kulikida mo yininke yoruhonda.” Monomvhura odo, monkedi omu ngava dana vantu kwa ninkisire wopeke va gazare yininke yoruhonda ntani vantu kapi ngava dwara yidwara yokuwapera. Ayo kwa fene ngwendi moomu tupu za yi pumba Bibeli kuhamena mazuva gopouhura asi vantu “ngava hara mahafo goparutu.”—Vantu vaJehova kapi va kweme eyi ngava rugana vantu ava da pira nomuga (Tara paragarafu 5) *
5. Yisinke ya horokera vantu kutundilira mo-1960?
5 Kutundilira mo-1960, vantu wovanzi kwa tamekere kutunga kumwe va hana kulikwara paveta. Vamwe kwa tamekere kulikwara mugara nomugara ndi mukadi nomukadi ntani vantu wovanzi ngava lizumbu. Ano moyilihafeso yoyinzi ngava likida mo eligwanekero panyama. Yisinke ya ya horokere konyima zosiruwo? Mulirongi gumwe kwa tanta asi kudira kukwama nompango daKarunga kureta yitundwamo yoyidona. Pasihonena, naina mapata gomanzi kuna kuteka po ntani vantu kwa hara kutarera mafano goruhonda. Udigu umwe kuna kara asi naina pana kara mauvera gomanzi gomukagu ngwendi AIDS. Nayinye eyi kulikida asi yininke eyi ava mono mouzuni ou asi yiwa, ayo ugova tupu.—2 Pet. 2:19.
6. Kuliza nomu vantu womouzuni ava tara eligwanekero panyama, ngapi ayi likida nawa-nawa omu ga yi harera Satana?
6 Monkedi omu vantu womouzuni ava tara eligwanekero panyama, kulikida nawa-nawa omu ga yi harera Satana. Age kumuhafesa apa vantu ava dili kuruganesa uhwi owo monkedi omu ga yi harera Karunga. (Efe. 2:2) Vantu ava ava hondere, kapi ava likida efumadeko kouhwi ou ga tu pa Jehova ntani kuvhura kuvaninkisa ngava dire kukagwana mwenyo gwanarunye komeho.—1 Kol. 6:9, 10.
EYI AZI UYUNGA KO BIBELI KUHAMENA ELIGWANEKERO PANYAMA
7-8. Magano musinke gomawa azi rongo Bibeli kuhamena eligwanekero panyama?
7 Vantu ava ava kwama unongo wouzuni ou, kuncenuna nompango domoBibeli nokutanta asi ado udigu kudikwata egano. Awo kutanta asi: “Morwasinke Karunga ga tu sitira nomalizuvho gokuligwanekera panyama nokututantera Koros. 3:5) Ntani Jehova kwa tulisa po nonkwara, yipo vantu va hafese malizuvho gawo kupitira mewapaiko eli. (1 Kol. 7:8, 9) Monkedi ozo, valikwali kuvhura va hafere eligwanekero panyama va hana kukara nosinka esi ava kara naso vantu wokuhondera.
asi twa hepa kugapangera? Awo kulipura epuro olyo morwa kugazara asi nkenye eyi ana hara muntu kurugana, kuvhura tupu a yi rugane. Nye Bibeli kuuyunga magano gokulisiga. Azo kutanta asi kapisi tu pulisire nkenye madowo, nye twa hepa kugapangera. (8 Mokulisiga nounongo wouzuni ou, Bibeli kuronga omu vantu nava tara eligwanekero panyama. Azo kutanta asi eligwanekero panyama kuna kara uhwi wokuhafesa. (Yis. 5:18, 19) Nye azo kurondora hena asi: “Nkenye ogu a lize namukadendi ponkedi zepongoko zongwa zekuto, kapisi noyihora ngwendi vapagani, ava va dira kudiva Karunga.”—1 Tes. 4:4, 5.
9. (a) Kutundilira momvhura 1900, ngapi omu vantu vaJehova vava korangedere va kwame unongo womoNonkango daKarunga? (b) Epukururo musinke atu gwana mwa-1 Johanesa 2:15, 16? (c) Kuliza noVaroma 1:24-27, yirugana musinke yoyidona natu nyokera po?
9 Kutundilira momvhura 1900, vantu vaJehova kapi va kweme eyi ngava rugana vantu ava ‘da pira nomuga.’ (Efe. 4:19) Awo kwa hetekerere ko kukwama nompango daJehova. Ruhungu romo-15 Kudumonkuru 1926 kwa tente asi: “Mugara nomukadi va hepa kukuhuka momagazaro nomoyirugana, unene po nsene kuna kurugana nomuntu ga hana asi mulikwali goge.” Vantu vaJehova kwa kweme nompango dendi, nampili ngomu nkareso zouzuni za donapere. (Resa 1 Johanesa 2:15, 16.) Ose tuna hafa kweyi twa kara noNonkango daKarunga. Ntani tuna hafa hena kweyi Jehova a tu pe nondya dopampepo edi adi tu vatere tu nyokere po unongo wouzuni ou kuhamena eligwanekero panyama. *—Resa Varoma 1:24-27.
OMU VANTU AVA LITARA VENE
10-11. Yisinke za pumbire Bibeli eyi ngayi horoka pomazuva gopouhura?
10 Bibeli kwa pumbire asi pomazuva gopouhura vantu ngava “lihara tupu vene.” (2 Tim. 3:1, 2) Yipo nye, ayo kapi ayi tu tetukisa apa atu mono vantu kuna kukondjera uwa wavene. Buke zimwe kwa tanta asi koyiha yomvhura 1970 nobuke edi ngadi gava magano kuhamena omu na yi tompoka vantu meparu kwa vhukire. Nobuke dimwe kwa korangedere vantu va twikire kuparuka va hana kurundurura nkareso zawo. Pasihonena, buke zimwe kwa tente asi: “Li hara nyamoge, morwa kwato hena muntu gumwe gomuwa ntani gomulyo kukupitakana.” Azo kwa tente hena asi: “Muntu ga hepa kutokora mwene asi yipi yoyiwa po neyi yoyidona ntani nomu na paruka.”
11 Wa zuvha rumwe nonkango odo ndi? Satana kwa korangedere Eva a rugane yokulifana. Age kwa tanterere Eva asi: ‘Ngo fana Karunga mokudiva yoyiwa neyi yoyidona.’ (Gen. 3:5) Naina sinzi sovantu kugazara asi kwato gokuvhura kuvatantera asi yipi yoyiwa neyi yoyidona, nampili naKarunga googu. Pasihonena, nkareso ezi kuzimonena monkedi omu vantu ava tara nonkwara.
Mukriste kutura yihepwa yovakwawo muhowo, unene po yomulikwali gwendi (Tara paragarafu 12) *
12. Ngapi omu vantu ava tara nonkwara mouzuni ou?
Gen. 2:24) Nye mokulisiga, vantu ava ava kwama unongo wouzuni ou, kukorangeda asi nkenye mulikwali ga hepa kuligazara tupu mwene. Buke zimwe ezi za zogera kuhamena elizumbo kwa tanta asi: “Moyirongo yimwe apa vantu ava likwara, awo kulitumbwidira asi ngava kara kumwe dogoro narunye. Nye sinzi sovantu va tjindja mugano ogo pokutanta asi ngava kara kumwe nsene eharo lyawo simpe polili.” Mokumona asi vantu kapi ava tara nonkwara asi sininke sokukarerera, eyi kuninkisa valikwali va li zumbe nokukara noruguwo. Eyi kulikida nawa-nawa asi monkedi omu vantu ava tara nonkwara mouzuni ou kuna kara ugova.
12 Bibeli kukorangeda valikwali va li tekure nefumadeko nokusikisa mo mugano gwawo gononkwara. Azo hena kuvakorangeda va twikire kuparuka kumwe pokutanta asi: “Yipo nye a sigire mugara nozina, makura ta likwatakana namukadendi, makura tava kara gumwe tupu.” (13. Morwasinke Jehova ga nyengera vantu wokulinenepeka?
13 Bibeli kutanta asi: “HOMPA kwa nyenga nkenye ogu ga litumba.” (Yis. 16:5) Morwasinke Jehova ga nyengera vantu wokulinenepeka? Konda zimwe kuna kara asi vantu wokulinenepeka kwa kara ngwendi Satana. Gazadara ko tupu, elinenepeko kwa ninkisire Satana a gazare asi Jesus, ogu ga vaterere Karunga mokusita yininke nayinye kuvhura a mu tongamene. (Mat. 4:8, 9; Koros. 1:15, 16) Vantu ava va kara nonkareso zangoso vagova.
EYI AZI UYUNGA KO BIBELI KUHAMENA OMU NATU LITARA NYAMWETU
14. Ngapi omu Varoma 12:3 azi tu vatere tu kare nomutaro gouhunga?
14 Bibeli kutuvatera tu kare nomutaro gouhunga. Azo kutanta asi kapi ya kara epuko kulihara nyamwetu. Jesus kwa tente Mat. 19:19) Bibeli kapi azi tu rongo tu li mone asi ose mulyo unene kupitakana vakwetu. Nye azo kuturonga asi: “Walye omu rugana yuma mokulitara pwaamweni ndi mokupapara efumano lyomawoko-woko. Nye omu linunupike, tomu tara vakweneni asi va mu pita mekuto.”—Fil. 2:3; resa Varoma 12:3.
asi: “O hare mukweni moomu wa lihara nyamoge,” eyi kulikida asi twa hepa kulihara nyamwetu. (15. Morwasinke no uyungira asi kukwama nompango domoBibeli kureta mauwa?
15 Sinzi sovantu naina kutara magano gomoBibeli asi ugova. Awo kutanta asi nsene o tara vakweni asi mulyo kukupitakana kuvhura va ku hepeke. Nye yitundwamo musinke azi reta nkareso zangoso? Yisinke wa dimburura? Vantu wokulinenepeka va kara noruhafo ndi? Va kara nomapata goruhafo ndi? Va kara novakaume wovawa ndi? Va kara nelikwatakano lyewa naKarunga ndi? Kuliza neyi wa limonena, yipi po ayi reta mauwa, kukwama unongo wouzuni ou ndi kukwama unongo womoNonkango daKarunga?
16-17. Yisinke ayi tu hafesa ntani morwasinke?
16 Vantu ava ava kwama magano govalirongi womouzuni ou, kwa fana ngwendi muntu ogu ana kupura mukwawo oku na vyuka, nye navenye kuna zumbana. Jesus kwa uyungire kuhamena “valirongi” womomazuva gendi asi: “Awo kwa twika, yiyo hena ava pitisire vatwiku.” (Mat. 15:14) Yosili, unongo womouzuni ou, ugova.
Epata kuna kudiworoka kuhamena eparu eli va hafera kumwe mosirugana saJehova (Tara paragarafu 17) *
17 Magano gomoBibeli ‘kwa kara nomulyo gokuronga usili. Ago kukorangeda nokupukurura nokurongesa uhungami.’ (2 Tim. 3:16) Ose tuna hafa kweyi Jehova a tu popere kounongo womouzuni ou kupitira mombunga zendi. (Efe. 4:14) Nondya dopampepo edi atu pe kutuvatera tu twikire kulimburukwa Nonkango dendi. Aso sininke sili sosiwa kweyi Jehova a tu pe unongo womoBibeli.
RUSUMO 54 “Nzira zezi”
^ para. 5 Sirongwa esi tasi ka tu vatera tu ka dimburure asi Jehova yige gelike a gava mavyukiso gomawa. Tasi ka likida hena asi nsene tu kwama unongo wouzuni ou, ose ngatu ligwanekera nomaudigu, nye nsene tu kwama unongo womoNonkango daKarunga, ngatu gwanena mo mauwa.
^ para. 9 Pasihonena, Tara nobuke Questions Young People Ask—Answers That Work, Volume 1, egau. 24-26, ntani Volume 2, egau. 4-5.
^ para. 50 EFANO: Kuna kulikida eparu lyovalikwali woNombangi daJehova. Koyiha yo-1960, valikwali kuna kulihameka moyirugana yokuzuvhisa.
^ para. 52 EFANO: Koyiha yomvhura 1980, mugara kuna kupakera mbili mukadendi ogu ana kuvera ano munawo kuna kuvatara.
^ para. 54 EFANO: Ano naina, valikwali owo kuna kuhafera kutara mafano gawo ganare kuhamena omu va hafera sirugana saJehova. Munwawo gomukadi nepata lyendi kuna kutara mafano kumwe nawo.