Resa Genesis 37:23-28; 39:17-23 yipo o lirongere ko kosihorokwa saJosefa sokulididimikira muteku gomudona.

Konakona sirongwa. Morwasinke Josefa va mu tekwilire momudona? (Gen. 37:3-11; 39:1, 6-10) Siruwo sokuhura kupi ga hepere Josefa kulididimikira muteku gomudona? (Gen. 37:2; 41:46) Yisinke ga rugene ko Jehova koukaro waJosefa posiruwo sina, nye yisinke ga dilire kurugana?​—Gen. 39:2, 21; w23.01 17 ¶13.

Rugana epaparo. Nampili ngomu eyi ga uyungire mukadaPotifara kuhamena Josefa kapi ya kere usili, nye Bibeli kapi za uyunga asi Josefa kwa lipoperere kweyi ga mu rundilire mukadaPotifara. Matjangwa aga gana kukwama ko kuvhura kutuvatera tu gazadare ko konda zeyi Josefa nampo ga tokwerere kumwena ga hana kuuyunga ndi kuhamena konda zeyi natu dilira kuhepa kudiva mauzera nagenye mokugahorora. (Yis. 20:2; Joh. 21:25; Yirug. 21:37) Yikara musinke nampo ya vaterere Josefa yipo a lididimikire muteku gomudona?​—Mika 7:7; Ruk. 14:11; Jak. 1:2, 3.

Gazadara ko koyirongwa eyi ono lirongo. Lipura asi:

• ‘Ngomurongwa gwaJesus, muteku musinke gomudona na hepa kundindira?’ (Ruk. 21:12, 16, 17; Heb. 10:33, 34)

• ‘Yisinke na hepa kurugana ngesi eyi nayi vatera nge ngani lididimikire muteku gomudona?’ (Epis. 62:7, 8; 105:17-19; w19.07 2-7)