Ono hara kugwanena mo mauwa melirongo lyoge lyoBibeli ndi? Magano aga gana kukwama ko kuvhura ga ku vatere:

• Papara evango lyokuwapera. Nsene kuvhura, papara evango lyokuzera yipo yi ku vatere o rese nawa. Kuvhura o ruganese sitafura ndi evango lyewa lyoponze.

• Papara evango oku no vhura kukara nyovelike. Jesus kwa kanderere ‘ngurangura zonene kevango lyokudira vantu.’ (Mar. 1:35) Nsene kapi yina kukutompoka kukara kevango eli no kara nyovelike tantera vemepata lyeni ndi ava wa tunga nawo siruwo esi no lironga ntani va tantera va dire kukudonganesa.

• Demenena kweyi ono kulironga. Nyokera po madonganeso. Nsene ove kuruganesa Serefoni ndi tablet yipo o lironge, gusa ko ezwi yipo yi dire kukudonganesa. Nsene koyili o diworoka eyi ono hepa kurugana, yi didilika yipo o yi rugane konyima. Nsene kuna kukudigopera kudemenena kweyi ono kulironga genda po nakauke ndi ligonona po.