SIRONGWA SELIRONGO 1
“Ame nyame Karunga goge – patupu yokukutjilisa!”
“Wa ha tjira - ame noge na kara! Ame nyame Karunga goge - patupu yokukutjilisa! Ngani ku nkondopeka tani ku kwafa.”—JES. 41:10.
RUSUMO 7 Jehova ove nonkondo detu
ETWAROMO *
1-2. (a) Ngapi omu nonkango da kara mwaJesaya 41:10 da vaterere Yoshiko? (b) Wolye hena nava gwanena mo uwa mononkango edi da kara mwaJesaya 41:10?
MUNAZINYETU Yoshiko kwa gwene mbudi zoruguwo. Ndokotora kwa mu tanterere asi ntaantani a fe. Ngapi ga lizuvhire? Yoshiko kwa diworokere etjangwa lyaJesaya 41:10. (Resa.) Makura yipo ga tanterere ndokotora asi, kapi ana kara nowoma morwa Jehova nga mu vatera. * Nonkango domovelise ozo kwa vaterere munazinyetu ogo a huguvare unene mwaJehova. Velise ozo kuvhura zi tu vatere nose nsene kuna kuligwanekera nomaudigu. Mokuyikwata egano, tu zeni tu ka tare konda zeyi Karunga ga gaverere mbudi ezi kwaJesaya.
2 Jehova kwa gendesere Jesaya a tjange nonkango odo mokuhengagwida Vajuda ava va ya kere mounkwate waBabironi. Nonkango edi kapi tupu va di tambeserere koVajuda ava va ka kere mounkwate nye kwa tamba hena kovakareli vaJehova navenye. (Jes. 40:8; Rom. 15:4) Ose kuna kuparuka ‘poyiruwo yoyidigu,’ eyi yiyo nye tuna hepere unene ekorangedo eli lya kara mobuke zaJesaya.—2 Tim. 3:1.
3. (a) Etumbwidiro musinke atu gwana mwaJesaya 41:10, omu lya tunda etjangwa lyetu lyomvhura 2019? (b) Morwasinke tuna hepere etumbwidiro olyo?
3 Mosirongwa esi tatu ka demenena koyininke yitatu eyi ga tu tumbwidira Jehova mwaJesaya 41:10: (1) Jehova nga kara nose, (2) age Karunga gwetu, ntani (3) nga tu kwafa. Ngwendi Yoshiko, matumbwidiro * aga mulyo unene kwetu, morwa nose kuna kuligwanekera nomaudigu meparu. Mouzuni muna vhuka hena yininke yoyidona. Vamwe vetu kuna kuligwanekera nomahepeko gokutundilira kepangero. Tu konakoneni matumbwidiro ogo.
“AME NOGE NA KARA”
4. (a) Etumbwidiro musinke lyokuhova natu ka zogera? (Tara nondanda dokonhi.) (b) Ngapi omu Jehova ga yi likida asi ga tu hara? (c) Ngapi ono kulizuvha kuhamena nonkango edi da kara mwaJesaya 54:10?
4 Jehova kwa tu tumbwidira asi: “Wa ha tjira ame noge na kara!” * Eyi kulikida asi Jehova nose ga kara ntani kutupakera mbili. Tara omu Jehova a yi likida. Age kwa tanta asi: “Ove ntumbu kwange kwa ku hara yiyo na ku fumadeka.” (Jes. 43:4) Jehova kapi nga sigilira vakareli vendi ava va mu huguvara. Age ga tu hara unene. (Jes. 54:10) Eyi kutuvatera tu kare nouradi. Jehova nga tu vatera ngamoomu ga vaterere kaume kendi Abirahamu. Jehova kwa tanterere Abirahamu asi: “Neisi no tjilira, Abiramu, yeeyi asi ame nyame silikandwiso soge.”—Gen. 15:1.
Nampili momaudigu aga aga moneka ngwendi etondo ndi mundiro, Jehova nga tu vatera tu ga lididimikire (Tara paragarafu 5-6) *
5-6. (a) Ngapi omu tuna yi diva asi Jehova ana hara kutuvatera momaudigu getu? (b) Yisinke natu lirongera ko kosihonena saYoshiko?
5 Ose twa yi diva asi Jehova ga liwapaikira mokutuvatera, age kwa tumbwidira vakareli vendi asi: “Nsene ngo genda petondo, ame ngani kara kumwe noge; maudigu goge kapi ngaga ku diinina po. Nsene ngo genda momundiro, kapi ngo pya; maheteko gomadigu aga ngaga wiza, kapi ngaga ku remeka.” (Jes. 43:2) Yisinke a di tanta nonkango edi?
6 Jehova kapi nga gusa po maudigu getu, nye ga tumbwidira asi kapi nga pulisira ‘etondo’ ndi maudigu ntani ‘mundiro’ ndi maheteko yi tu hagekese Jes. 41:13) Yoshiko ogu va na tumburura ketameko ga limonenene usili wononkango edi. Munwendi gomukadona kwa tente asi: “Ayo kwa tu tetukisire sili pokumona oyina asi kapi vana kara nowoma. Twa yi dimbwilire asi Jehova ga va vaterere va kare vana litura. Awo ngava zogere novanesa ntani novaveli kuhamena matumbwidiro gaJehova, dogoro apa va ya dogorokere.” Yisinke natu lirongera ko kosihonena saYoshiko? Nsene tu huguvara etumbwidiro eli asi ‘ngani kara noge,’ nose ngayi tu vatera tu kare tuna litura ngomu tuna kupita momaudigu.
mokumukarera. Age kwa tu tumbwidira asi nga tu vatera tu pite momaudigu. Ngapi omu nga yi rugana? Age nga tu vatera tu funde po woma nokukwaterera koulimburukwi wetu nampili vana hara kutudipaga. (“AME NYAME KARUNGA GOGE”
7-8. (a) Etumbwidiro musinke lyauvali natu ka konakona ntani yisinke a li tanta? (b) Morwasinke Jehova ga tanterere Vajuda ava va kere mounkwate asi: ‘Va ha tjira?’ (c) Nonkango musinke atu gwana mwaJesaya 46:3, 4 da hengagwidire Vajuda?
7 Tu tareni hena etumbwidiro lyauvali ga tu tumbwidira Jehova mwaJesaya asi: “Ame nyame Karunga goge – patupu yokukutjilisa.” Yisinke azi tanta nkango kutjilisa? Movelise ezi nkango “kutjilisa” kwa tamba ko kutara-tara konyima morwa nampo pweli ogu ana kukukwama monyima zoge na kurugana yoyidona.
8 Morwasinke Jehova ga tantererere Vajuda ava va ya kere mounkwate waBabironi asi: “Wa ha tjira”? Morwa ga divire asi vantu womosirongo oso ngava kara nowoma. Yisinke ya ninkisire vantu owo va kare nowoma? Komeho di sike mo nomvhura 70 edi va kere Vajuda mounkwatwe waBabironi, vakwayita woVaperesiya wononkondo kwa ya homwene sitata oso. Jehova kwa ruganesere vakwayita owo yipo a zowore vantu vendi mounkwate waBabironi. (Jes. 41:2-4) Apa Vababironi novanayirongo ava va tungire mo va mwene asi nonkore dawo kuna kuhedera pepi, awo kwa hetekerere ko ‘kulikorangeda.’ Awo hena kwa rugene yikarunga yoyinzi yokuhonga asi nampo ngayi va popera. (Jes. 41:5-7) Nye Jehova kwa hengagwidire Vajuda ava va kere mounkwate pokuvatantera asi: “Nye ove Israeli mukereli gwange . . . Ame nyame Karunga goge – patupu yokukutjilisa!” (Jes. 41:8-10) Koneka asi Jehova kwa tente asi: “Ame nyame Karunga goge.” Kupitira mononkango edi, Jehova kwa diworokesere vakareli vendi asi age kapi ga va divara, age yige Karunga gwawo ntani awo simpe vantu vendi. Age kwava tanterere asi: “Ame ngani mu kwafa tani mu yoworora.” Nonkango edi kwa nkondopekere Vajuda vena va kere mounkwate.—Resa Jesaya 46:3, 4.
9-10. Morwasinke natu dilira kukara noutjirwe? Yi fanekesa.
9 Ngomu yininke yina kudonapa mouzuni, sinzi sovantu kuna kara nowoma unene. Yininke eyi nose yina tu kundama. Nye kapisi hepero tu kare nowoma. Jehova kuna kututantera asi: “Ame nyame ni Karunga goge.” Morwasinke na di tu hengagwidira nonkango edi?
10 Gazadara ko kosihonena esi: Jim namukwawo Ben kuna kara mondira ezi zina kulinyunganga morwa emumpepo lyemunene. Makura musingi gondira ta zigire kembako asi: “Limangeni maliva. Ndira nazi linyunganga siruwo sosire.”
Makura Jim tayi mu tukukisa. Nye musingi gondira ta gwederere ko asi: “Mwa ha tjira. Nyame musingi gweni nina kuyitanta.” Jim ta tanta asi: “Kapi na si huguvara asi na tu paruka!” Ta dimburura asi Ben kapi ana tukuka. Jim ta pura mukwawo asi: “Morwasinke ono dilire kutukuka?” Ben ta menyuna nokutanta asi: “Ame na diva musingi ogu, awo otate.” Tanko ni ku tantere ko kuvahamena. Nsene no zuvha eyi va rugana, ngano kapi no kara noutjirwe.11. Yisinke natu lirongera ko kosihonena saJim naBen?
11 Yisinke natu lirongera ko kosifanekeso esi? Ngwendi Ben, nose kapisi hepero tu kare noutjirwe morwa twa diva nawa Guhyetu gemeguru Jehova. Ose twa yi diva asi age nga tu vatera mwankenye maudigu aga ngatu ligwanekera nago pomazuva aga gopouhura. (Jes. 35:4) Mokulisiga novantu womouzuni ou, ose kuhuguvara mwaJehova yipo tu dire kukara nowoma. (Jes. 30:15) Ngwendi Ben, nose kutantera ko vakwetu eyi twa karera nehuguvaro lyangoso kwaKarunga. Eyi ngayi va vatera nawo va kare nehuguvaro asi Jehova nga va vatera mwankenye maudigu vana kuligwanekera nago.
“NGANI KU NKONDOPEKA TANI KU KWAFA”
12. (a) Etumbwidiro musinke lyautatu natu ka zogera? (b) Yisinke azi tu diworokesa nkango “nonkondo” kuhamena Jehova?
12 Tu tareni hena etumbwidiro eli ga tjenge Jesaya asi: “Ngani ku nkondopeka tani ku kwafa.” Jesaya kwa fatwilire omu Jehova ga ya vaterere vakareli vendi pokutanta asi: “HOMPA Mupangeli ta wiza a ya pangere nononkondo.” (Jes. 40:10) Nkango “nonkondo” kulikida asi Jehova Hompa gononkondo. Age kwa ruganesere nonkondo dendi mokupopera vakareli vendi womosiruwo sanare, ntani age kuruganesa nonkondo odo naina mokupopera vakareli vendi ava va mu huguvara—Deut. 1:30, 31; Jes. 43:10.
Nosirwiso si simwe esi ngasi tu rwadeka (Tara paragarafu 12-16) *
13. (a) Siruwo musinke Jehova a tu nkondopeke? (b) Etumbwidiro musinke eli ali tu pe ehuguvaro nokutunkondopeka?
13 Jehova kusikisa mo etumbwidiro lyendi eli asi: “Ngani ku nkondopeka” unene po apa nonkore detu adi tu hepeke. Moyirongo yimwe nonkore detu kuna kukondja mokuhagekesa po sirugana setu sokuzuvhisa noukareli wetu. Nye nampili ngoso, ayo kapi ayi tu tjilisa. Eyi ga tu tumbwidira Jehova kutupa ehuguvaro ntani kutunkondopeka. Age kwa tu tumbwidira asi: “Nye nosirwiso si simwe esi ngasi ku rwadeka.” (Jes. 54:17) Nonkango odo kutudiworokesa yininke yitatu yomulyo.
14. Morwasinke ayi dilire kututetukisa apa nonkore daKarunga adi tu rwanesa?
14 Sokuhova, ngoVakriste twa hepa kuyindindira asi vantu ngava tu nyenga. (Mat. 10:22) Jesus kwa tente asi pomazuva gopouhura varongwa vendi ngava va hepeka. (Mat. 24:9; Joh. 15:20) Sauvali, uporofete waJesaya kututantera asi nonkore detu kapi tupu nga di tu nyenga nye hena nga di tu rwanesa mononkedi dokulisiga-siga. Eyi kwa kwatera mo kuturundira nokutuuyunga momudona ntani nokutuhepeka. (Mat. 5:11) Jehova kapi nga kondera nonkore detu di dire kuturwanesa. (Efe. 6:12; Ehor. 12:17) Nye kapisi hepero tu kare nowoma. Morwasinke?
15-16. (a) Sininke musinke sautatu twa hepa kudiworoka ntani ngapi omu etjangwa lyomwaJesaya 25:4, 5 ali kwatesa ko egano eli? (b) Kuliza naJesaya 41:11, 12 yisinke nga ka rugana Jehova kononkore detu?
15 Tu tareni sininke sautatu esi twa Jesaya 25:4, 5.) Jehova kapi nga tarerera nonkore detu di twikire kutuhepeka—Jes. 65:17.
hepa kudiworoka. Jehova kwa tente asi: “nosirwiso si simwe” esi ngasi tu “rwadeka.” Ngwendi moomu tupu nzugo azi tu popere kekundungu lyenene, Jehova nage yimo nga tu popera ‘kovagara wokurunda mutwe’ ndi kononkore detu. (Resa16 Jehova kutuvatera tu mu huguvare pokututantera eyi ngayi ka horokera ava vana tu “handukire.” (Resa Jesaya 41:11, 12.) Simwe tupu sina kuvandindira navenye ava vana kuturwanesa. Awo “ngava fa tava dongonoka ko konauzuni.”
OMU NATU NKONDOPEKA EHUGUVARO LYETU MWAJEHOVA
Kuresa Bibeli nkenye ezuva kuvhura kutuvatera tu huguvare unene Jehova (Tara paragarafu 17-18) *
17-18. (a) Ngapi omu kuresa Bibeli nazi tu vatera tu huguvare unene Karunga? Gava sihonena. (b) Uwa musinke ngatu gwanena mo pokugazadara ko ketjangwa lyetu lyomvhura 2019?
17 Nsene tu diva nawa Jehova ose ngatu mu huguvara unene. Nkedi zimwe omu natu mu diva nawa, kuna kara pokuresa Bibeli nokuteda ko kweyi tuna kuresa. MoBibeli mwa kara maumbangi aga aga likida omu Jehova ga poperere vakareli vendi vanare. Maumbangi aga kutupa ehuguvaro asi Jehova nga tu pakera mbili.
18 Tu tareni sifanekeso sosiwa ga ruganesere Jesaya mokulikida omu Jehova a tu popere. Age kwa fanekesere Jehova komusita gononzwi ano vakareli vaJehova kononzwigona. Jesaya kwa tente asi Jehova “nga pongaika nonzwigona mokuwoko kwendi a di simbire ponturo zendi.” (Jes. 40:11) Apa Jehova a tu popere, ose kapi atu kara hena noutjirwe nye kulizuvha egameno. Mokutuvatera tu kare tuna litura momaudigu, mukareli gokulimburukwa kwa horowora etjangwa lyaJesaya 41:10 ngetjangwa lyomvhura 2019 eli ali tanta asi: “Ame nyame Karunga goge – patupu yokukutjilisa!” Gazadara ko kononkango odo dehengagwido mwaza siruwo. Ado ngadi ku nkondopeka yipo ngo pite momaudigu aga ngo ligwanekera nago.
RUSUMO 38 Nga ku nkondopeka
^ para. 5 Etjangwa lyomvhura 2019, kugava nokonda ntatu deyi natu karera tuna litura nsene yininke yoyidona kuna kuhoroka mouzuni ou ndi nsene kuna kuligwanekera nomaudigu meparu. Sirongwa esi kwa faturura nokonda odo ntani tasi ka tu vatera tu dire kukara nosinka sosinene nye tu huguvare unene mwaJehova. Pokugazadara ko ketjangwa lyomvhura, ngayi ku vatera o lididimikire maudigu aga ngo ligwanekera nago meparu.
^ para. 3 EFATURURO LYONKANGO: Etumbwidiro kuna kara nonkango edi no vhura kuhuguvara asi nga di ka sika mo. Matumbwidiro gaJehova kutuvatera tu dire kukara nosinka unene komaudigu aga atu ligwanekere nago meparu.
^ para. 4 Nondanda Dokonhi: Nkango “Wa ha tjira” kwa moneka yikando yitatu mwaJesaya 41:10, 13 ntani movelise 14. Novelise odo kwa tumbura hena nkango “ame” mokutamba kwaJehova. Morwasinke Jehova ga tanterere Jesaya a ruganese unene nkango “ame”? Age kwa yi rugene eyi, mokulikida asi, ose ngatu funda po woma nsene tu huguvara mwaJehova.
^ para. 52 EFANO: Epata kuna kuligwanekera noudigu koyirugana, moyirugana yokuzuvhisa, kosure ntani nouvera.
^ para. 54 EFANO: Vaporosi kuna kuhomokera vanavazinyetu ava vana kuruganena epongo monzugo nye nampili ngoso kapi vana tukuka.
^ para. 56 EFANO: Kurugana ukareli wepata nkenye sivike, kutunkondopeka tu lididimikire maudigu.