Ose kapi tupu atu karere Jehova ngombunga komapongo, poyigongi yezuva limwe ntani poyigongi yomazuva gatatu nye kukarera hena Jehova pwanyamwetu ntani nomapata getu. Aga kuna kara magano gamwe aga novhura kuruganesa pelirongo lyanyamoge ntani poukareli wepata:

• Liwapaikira mapongo.Kuvhura o liyomberese kudimba nonsumo ntani kuvatera navenye vemepata lyeni va gave malimbururo.

• Resa sihorokwa somoBibeli. Ano konyima, faneka efano lyomosihorokwa ndi tjanga yininke yimwe eyi ono lirongeremo.

• Resa ekanderero eli lya kara moBibeli ntani gazadarako omu na li ku vatera yipo o wapukurure makanderero goge.

• Tarera novidiyo doko jw.org ntani di zogera nava wopeke ndi tjanga eyi ono lirongeremo.

• Liwapaikira kuzuvhisa, nampo gumwe gemepata kuvhura a kare ngwendi yige ono kuzuvhisira makura liyomberesa eyi no vhura kuuyunga.

• Tara kounsitwe ntani nokuteda ko ndi gazadarako eyi yina kukuronga kuhamena Jehova. a