Kapisi ureru nkenye apa kudiworoka yininke eyi tuna lirongo. Nye ayo ureru kudiworoka yininke eyi ga rongere Jesus morwa age kwa ruganesere yifanekeso. Kuvhura o mone yifanekeso momagano goge yipo yi kuvatere o yi diworoke. Mokulifana kuvhura o diworoke eyi ono lirongo pokugazadara ko koyininke eyi ono resa. Ngapi omu noyirugana? Pokufaneka mafano ngomu ono kulironga.

Vantu ava ava faneke mafano goyininke kuvakarera ureru kulironga nokuyidiworoka. Kufaneka mafano kuvavatera vayikwate nawa egano kupitakana yokutjanga. Awo kufaneka mafano goureru. Pokufaneka mafano ayo kurerupira vakurupe vakwate egano eyi vana kulironga.

Sikando sokukwama ko apa ngo lironga kuvhura nampo ngo faneke mafano gamwe aga nga ga kuvatera o diworoke yininke eyi ono lirongere ko. Ayo nga yi kutetukisa apa ngo dimburura asi yininke yinzi ono lirongere ko!