Vanavazinyetu wovanzi kuruganesa yirongwa eyi ayi kara ketamekero lyo jw.org mokuzuvhisa. Ayo ureru kuyituma moyikwakonentu ntani rorunzi ayo kufaturura omu yihorokwa yantani yina kusikisa mo mauporofete gomoBibeli. Munazinyetu gumwe gomugara kwa tjenge kuhamena yirongwa oyo asi: “Ayo kuna kara yiruganeso youhunga eyi tuna hepa ngesi yipo tu sikise mo sirugana sokuzuvhisa.”

Nye yirongwa eyi kulitjidja nkenye apa, ngapi nye omu natu gwana yirongwa eyi yina dili kukara ngesi ketamekero lyo-jw.org?

• Ketamekero lyo-jw.org, diva poruha “See More” oru rwa karera pepi nekeguru. Link ozo kupaturura ruha oru asi “Recently Featured on the Home Page,” ako ngo gwana ko yirongwa yoyinzi eyi kava pwagesere ntaantani.

• Ko jw.org ndi ko JW Library^®, horowora “Yimbapiratjangwa,” makura “Yirongwa yokulikwama,” makura paturura “Yirongwa yimwe.” Koruha oru kwa kara ko yirongwa yoyinzi eyi va likidire ketamekero lyo-jw.org.