Nsene kuna kuresa Bibeli, kuvhura tu gwane ugawo pokurugana mapaparo. Nye ngapi natu gwanena mo mauwa gomanzi?

Lironga yihorokwa yomoBibeli ngomu ono kuzi resa. Pasihonena, dimburura mutjangi gosihorokwa oso, wolye ga si tambeserere, ntani posiruwo musinke sa horokere. Yisinke ya horokere komeho ntani konyima zosihorokwa?

Gazadara ko yirongwa eyi no vhura kulirongera ko pokulipura mapuro ngwendi gaga: ‘Ngapi omu va lizuvhire vantu ava va hamenene mosihorokwa oso? Yikara musinke va likidire? Morwasinke nani honenena yikara oyo ndi ni yi nyokere po?’

Tura pasirugana yirongwa eyi ono lirongo nampo mokuzuvhisa ndi apa o kara nava wopeke. Pokuyirugana eyi, ngo likida unongo ngamoomu za yi uyunga Bibeli asi: “Gonondunge a yi gazare eyi.”—Epis. 107:43.

• Sitwa: Koneka omu ruha oru rwa kara mombapira zekepongo, ugawo womoNonkango daKarunga a ru tu vatere tu gazadare ko ntani nomu natu tura pasirugana eyi tuna kulironga. Moruha oru, kwa hamena mo mapuro aga natu lipura nyamwetu ntani yitwa eyi natu vhura kuteda ko, nomafano aga natu vhura kukona-kona.