Wa resa nawa yifo yoyipe yoRuhungu ndi? Tara nsene kuvhura o limburure mapuro gana kukwama ko:

Yininke musinke yine nayi tu vatera yipo tu wapukurure pokudimba?

Twa hepa kusikama kuvyukilira nokuzerura nonsumo detu pokudimba. Ntani ya kara nomulyo kwetu tu dive kuhesera nawa. Nsene tu zahura kana pokudimba, ngatu dimba kuziguruka.—w17.11, epe. 5.

Yisinke ayi tu tetukisa kuhamena yitata yorugami moIsraeli?

Apo kwa kere po yitata ntazimwe yorugami eyi ya kere komaruha gokulisiga-siga. Eyi kwa vaterere muntu ogu ana dipaga mukwawo a vhure kugwana usimbu sitata sorugami esi sa mu karere pepi.—w17.11, epe. 15.

Morwasinke uhwi waJesus wosizoweseso wa pitakanena mauhwi nagenye?

Awo kutupa ehuguvaro lyokukaparuka narunye ntani nokukatuzowora kononzo nokonomfa. Morwa sizoweseso kwa si geve apa twa kere tu vananzo, eyi kulikida asi Karunga ga tu hara unene.—wp17.6, epe. 6-7.

Ngapi Episarome 118:22 lya pumbire evhumbuko lyaJesus?

Mesiyasa kwa ya mu nyokere nokumudipaga, nye mokuninka asi a ya kare emanya lyemekovhu va hepere kumuvhumbura.—w17.12, epe. 9-10.

Malikwamo gezimo lyaMesiyasa kwa ga tatekerere kombeli ndi?

Kapisi navenye ava va kere momalikwamo gezimo lyaMesiyasa kwa kere nombeli. Mesiyasa kwa ya tundilire moruvharo rwaNdafita nsiraura zaJese.—w17.12, epe. 14-15.

Nompango musinke kuhamena uhaku atu gwana moBibeli?

Kuliza noVeta zaMosesa, ava va kere nomauvera gomukagu va hepere kulikarera velike. Vantu va hepere kulikuhwa konyima zokukwata simpu. Ntani va hepere kuvhumbika nze zawo. Veta ozo kwa tente hena asi va hepere kurugana mukeke yovamba mezuva lyautano-nautatu yipo zi kanke honde zendi usimbu-simbu.—wp18.1, epe. 7.

Morwasinke ya dilira kukara epuko kukara nehetakano mokulihara nyamwetu?

Twa hepa kuhara vakwetu ngwendi moomu twa lihara nyamwetu. (Mar. 12:31) Ano vagara va hepa ‘kuhara vakadi vawo moomu va hara marutu gavene.’ (Efe. 5:28) Vantu ava va lihara tupu vene awo kupitakanesa mokuligazara nyaamwawo.—w18.01, epe. 23.

Yisinke no rugana yipo o twikire kukura pampepo?

Twa hepa kulironga Nonkango daKarunga nokuteda ko kweyi tuna resa nokutokomena kutura pasirugana eyi tuna kulironga. Twa hepa hena kupulisira mpepo zokupongoka zi tu gendese nokutambura mapukururo gava wopeke.—w18.02, epe. 26.

Morwasinke natu dilira kuhuguvara movalirongi wonombungururu nononganga mokudiva meho zetu?

Pwa kara nokonda dononzi, nye konda zomulyo po kuna kara asi Bibeli kapi za yi kwatesa ko.—wp18.2, epe. 4-5.

Yisinke natu rugana nsene gumwe ana tu zigida kembo lyendi?

Nsene tuna tambura ezigido lyagumwe, twa hepa kukamoneka. (Epis. 15:4) Twa ha rundurura pwa hana konda zomulyo. Nonkondo dendi edi ana ruganesa mokuwapaika nayinye ta yi kara yomawoko-woko.—w18.03, epe. 18.

Yisinke nava lirongera ko vapitisili womombungakriste kwaTimoteusa?

Timoteusa nga pakere mbili vantu ntani kwa tulire muhowo sirugana sokuzuvhisa. Age kwa litulire mo mosirugana saKarunga nokutura pasirugana eyi ga lirongere. Age hena nga liyomberesa mwene nokupulisira mpepo zaJehova zi mu gendese. Vakuronambunga ntani wopeke kuvhura va lirongere ko kwaTimoteusa.—w18.04, epe. 13-14.