RUHUNGU (SIFO SELIRONGO) Pembagona 2020
Sifo esi kwa kara mo yirongwa yelirongo kutundilira mazuva 3-30 Siwogedi 2020.
“Edina lyoge ava li pongore”
Sirongwa 23: 3-9 Siwogedi 2020. Sininke musinke sa kara nomulyo kovantu ntani nokovaengeli? Morwasinke sa karera nomulyo ntani ngapi omu sa tu kundama? Nsene tu diva malimbururo komapuro ogo, ngayi tu vatera tu nkondopeke elikwatakano lyetu naJehova.
“Vatera nge ni tjire edina lyoge nomutjima nagunye”
Sirongwa 24: 10-16 Siwogedi 2020. Mosirongwa esi tatu ka zogera nonkango edi ga uyungire Ndafita mekanderero lyendi eli va tjanga mEpisarome 86:11, 12, NW. Yisinke ayi tanta kutjira edina Jehova? Morwasinke natu tjilira ndi natu fumadekera edina olyo? Ntani ngapi omu kutjira edina Jehova ayi tu vatere nsene tuna hara kurugana yininke yoyidona?
Mapuro gokutunda kovaresi
Yikara eyi va tumbura moVagarata 5:22, 23, yiyo yelike “yiyimwa yompepo” zokupongoka ndi?
“Nyamwange ngani papara nonzwi dange”
Sirongwa 25: 17-23 Siwogedi 2020. Yisinke ayi ninkisa vanavazinyetu vamwe ava va karera Jehova siruwo sosire va tengure monyima? Ngapi omu Karunga a lizuvhu kuvahamena? Sirongwa esi tasi ka gava malimbururo komapuro ogo. Ta si ka zogera hena eyi natu lirongera ko monkedi omu Jehova ga vaterere vantu vamwe ava va tumbura moBibeli ava va dilire kuhara kurugana eyi ga va pangerere Karunga.
“Tengureni kwange”
Sirongwa 26: 24-30 Siwogedi 2020. Jehova kuna hara navenye ava va tengura monyima, va tengure kwendi. Kuvhura tu rugane yininke yoyinzi yipo tu korangede vantu owo va tengure kwaJehova. Mosirongwa esi tatu ka zogera omu natu vatera vantu ava va tengura monyima yipo va tengure kwaJehova.
