Resa Ndaniyera 9:1-19 yipo o dive mulyo gokulironga unene.

Konakona sirongwa. Yihorokwa musinke ya horokere posiruwo oso ntani ngapi ya kundamene Ndaniyera? (Ndan. 5:29–6:5) Ngano nyove Ndaniyera, ngano ngapi omu wa lizuvhire?

Rugana epaparo. Nobuke musinke dokupongoka ga resere Ndaniyera? (Ndan. 9:2) Kuliza nekanderero eli lya kara mwaNdaniyera 9:11-13, ngapi ali likida asi Ndaniyera nga lirongo unene Bibeli?​—Lev. 26:39-42; 1 Vah. 8:46-50.

Gazadara ko koyirongwa eyi ono lirongo. Lipura asi:

• ‘Ngapi nani nyokera po yihorokwa yomouzuni yi dire kudonganesa nge?’ (Mika 7:7)

• ‘Ngapi nani gwanena mo uwa pokulironga Bibeli momunene ngwendi Ndaniyera?’ (w04-E 8/1 12 ¶17)

• ‘Yirongwa musinke nani rugana pelirongo lyange lyoBibeli yipo yi vatere nge ni vangarare?’ (Mat. 24:42, 44; w12 8/15 5 ¶7-8)