Ayo kukudigopera pamwe kudiworoka eyi ono lirongo ndi? Natuvenye kutuhorokera poyiruwo yimwe. Yisinke nayi kuvatera? Ruguruka kukonakona yitwa yomulyo.

Ngomu ono kulironga, hageka nakauke yipo o gazadare ko magano gomulyo. Mupositoli Paurusa kwa vaterere vantu ava va resere mbilive zendi, yipo nawo va rugane yokulifana. Age kwa va tanterere asi: “Esi kuna kara sitwa somulyo.” (Heb. 8:1, NW.) Nonkango edi, kwa vaterere vapurakeni vendi yipo va kwate egano eyi ga tembe ntani nomu ya lizire kumwe.

Nampo kuvhura o pwizumuke po konyima zokulironga Bibeli yipo o gazadare ko yitwa yomulyo eyi ono lirongo. Nsene kapi ono ku yi diworoka, tara yiparatjangwagona ntani nontanto edi adi kara ketamekero lyankenye paragarafu. Nsene ono lirongo yininke yoyipe, hetekera ko kuyitura mononkango danyamoge. Nsene o ruguruka pokukonakona yitwa yomulyo, nayi kuvatera o yi diworoke ntani o dive omu no yi tura pasirugana.