Wa resa nawa yifo yoyipe yoRuhungu ndi? Tara nsene kuvhura o limburure mapuro gana kukwama ko:

Morwasinke vakurona wovatjwayuki nava gazadarera ko asi kombungakriste zemeraka musinke nava hamena vana vawo mokuvavatera pampepo?

Vanona ngava vhura kulironga eraka lyomomukunda kosure nomonkarapamwe. Nsene va diva maraka gomanzi ngayi wapukurura evhuliko lyawo lyokugazara nokukwata egano yininke. Vakurona va hepa kugazadara ko nawa asi kombungakriste musinke vana vawo nava ka lironga yoyinzi nokupameka elikwatakano lyawo naJehova. Vakurona va hepa kutura muhowo elikwatakano lyovana vawo naJehova kupitakana eyi va hara.—w17.05, epe. 9-11.

Yisinke ga tembe Jesus apa ga pulire Peturusa asi: ‘Wa hara nge kupitakana omu wa hara eyi ndi?’ (Joh. 21:15)

Ayo kumoneka asi Jesus kwa tembe konomfi ndi kounangesafa wokukwata nomfi. Konyima zonomfa daJesus, Peturusa kwa tengwire kosirugana sendi sokukwata nomfi. Vakriste va hepa kukara nehetakano koyirugana.—w17.05, epe. 22-23.

Morwasinke Abirahamu ga tantererere mukadendi a yunge asi age mpanzendi? (Gen. 12:10-13)

Sara kwa kere mpanzendi gositumbwena. Ngano Sara ga uyungire asi age mukadendi, Abirahamu ngano va mu dipagere, ntani ngano kapi ga ya kere nomuna ogu ga mu tumbwidilire Karunga.—wp17.3, epe. 14-15.

Ngendeseso musinke ga ruganesere Elias Hutter mokuvatera ava va here kulironga Ruhebeli?

Age kwa here varongwa vendi va dimburure pokatji kononkango dene ko doRuhebeli domoBibeli notuzupwirankango nonosingonono nkangorugano. Yipo ga ruganesere tjangeseso ezi pokusovaganeka nkango zene ko ano yizupwirankango nonosingonono nkangorugano kapi va yi sovaganekere. Tjangeseso ozo yizo va ruganesa moBibeli zoRuingilisa konondanda dazo dokonhi.—New World Translation of the Holy Scriptures—With References.—wp17.4, epe. 11-12.

Yininke musinke ga hepa kugazadara ko Mukriste nsene asi ana hara kuweka uta mokulipoperesa ko kovakorotji?

Karunga kutara eparu lyovantu asi kwa pongoka. Jesus kapi ga tanterere varongwa vendi va ruganese rufuro yipo va lipoperese ko. (Ruk. 22:36, 38) Twa hepa kuhambura nomfuro detu di kare yipururu. Mwenyo mulyo unene koVakriste kupitakana yiweka. Ose kufumadeka ezwi lyokomutjima lyava wopeke ntani tuna hara kuvatulira po sihonena sosiwa. (2 Kol. 4:2)—w17.07, epe. 31-32.

Morwasinke ya lisigira yihorokwa yeparu lyaJesus mobuke zaMateusa nezi zaRukasa?

Buke zaMateusa kwa demenena kwaJosefa. Azo kwa tumbura omu ga lizuvhire apa Mariya ga kere nomarutu gavali nonzodi omu muengeli ga mu tanterere a tjwayukire koEgipite kumwe nepata lyendi ntani apa ga mu tanterere a tengure koIsraeli. Buke zaRukasa kwa demenena kwaMariya. Azo kwa tumbura apa Mariya ga ka dingwire Elisabeta ntani nomu ga lizuvhire apa va paparere Jesus ogu ga kere montembeli.—w17.08, epe. 32.

Momaukaro musinke Bibeli za dira kurunduruka?

Nontanto nononkango dimwe edi va ruganesa moBibeli kwa ya runduruka ngomu sa pitire siruwo. Mapangero aga ga pangerere posiruwo songandi kwa tokwere eraka eli nava uyunga vantu. Etoroko lyoBibeli kwa li rwanesa.—w17.09, epe. 19-21.

Wa kara nomuengeli gokukukunga ndi?

Hawe. Jesus kwa uyungire kuhamena varongwa vendi asi vaengeli vawo vemeguru nkenye apa kumona sipara saTate gemeguru. (Mat. 18:10) Age kwa tente asi vaengeli kulikida elituromo mwankenye murongwa gwendi, nye kapi ga tente asi vaengeli kupopera nkenye gumwe gwawo pasitetu.—wp17.5, epe. 5.

Eharo musinke lyomulyo po?

Eharo lyosili yilyo lyomulyo po morwa alyo kwa likwatakana nonompango doBibeli. Eharo eli kwa lisingonona moBibeli asi a·gaʹpe. Eharo olyo kulidimburura tupu kupitira moyirugana. Eharo lyosili kututumangeda tu ruganene vakwetetu uwa nye kapisi asi va tu kangangere po.—w17.10, epe. 7.