Wa resa nawa yifo yoyipe yoRuhungu ndi? Tara nsene kuvhura o limburure mapuro gana kukwama ko:

Maumbangi musinke gomoBibeli aga likida asi Karunga kutupakera sinka?

Apa Vaisraeli va kere moupika moEgipite, Karunga ga mwene udigu wawo ntani ga zuvhire kukora. (Ex. 3:7; Jes. 63:9) Ose kwatu unga mosihwi saKarunga, nose kuvhura kukara nonkenda. Karunga kutuzuvhira nkenda nampili tu lizuvhe asi kwato mulyo.—.—wp18.3, epe. 8-9.

Ngapi marongo gaJesus ga vaterere vantu va funde po elitondororo?

Vajuda wovanzi mosiruwo saJesus kwa kere nelitondororo. Jesus kwa uyungire unene kuhamena elinunupiko ntani ga nyokesere elinenenepeko lyoparudi. Age kwa tanterere varongwa vendi va tare vapuli vakwawo asi navenye vezimo limwe.w18.06, Epe. 9-10

Yisinke natu lirongera ko kweyi Karunga ga dilire kupulisira Mosesa a hwilire mosirongo setumbwidiro?

Mosesa ga kere nelikwatakano lyenene kumwe naJehova. (Deut. 34:10) Konyima tupu zokwedi kumwe noharufa apa Vairaeli va kere momburundu, awo kwa sivanene sikando sauvali asi morwa kapi pwa kere mema. Karunga kwa tanterere Mosesa a uyungise emanya. Nye age yipo gatoonene po. Jehova kwa handukilire Mosesa, morwa nampo yeeyi ga dilire kukwama mavyukiso ndi morwa Mosesa kapi ga likidire efumadeko kwaJehova ogu ga rugene sitetu sina. (Num. 20:6-12) Eyi kuna kuturonga asi twa hepa kufumadeka Jehova.—w18.07, epe. 13-14.

Ngapi natu vhura kutura epuko nsene tu pangura kuliza neyi atu mono?

Pwakara nonkedi ntatu omu vantu ava pangura kuliza neyi ava mono ngwendi: kupangura kuliza norudi ndi kupangura kuliza neyi ga weka muntu ndi kuliza nonomvhura. Ayo mulyo tu dire kukara nompongo ngwendi Jehova. (Yirug. 10:34, 35)—w18.08, epe. 8-12.

Ngapi Vakriste wovakurupe nava vatera wopeke?

Vakurupe ava ava gava yitumbukira yawo, Karunga simpe ga va hara ntani kuvhura va vatere wopeke. Kuvhura a vatere mulikwali gwendi ogu ga dira kupura nokurugana marongo goBibeli ntani kutamununa sirugana sendi.—w18.09, epe. 8-11.

Yiruganeso musinke va kara nayo Vakriste?

Ayo kuna kara tukarata noyimbapira yezigido. Yitratate ntantatu noRuhungu ntani Awake!. Twa kara hena nonombapira nonobuke mbali atu lirongo novantu ntani novidiyo ne kukwatera mo “Morwasinke natu lirongera Bibeli”?—w18.10, epe. 16.

Ngapi omu Mukriste na randa usili ngomu va yi likida moYisewe 23:23?

Kapi atu randa usili noyimaliva. Nye twa hepa kuruganesa siruwo setu nokulitura mo yipo tu u gwane.—w18.11, epe. 4.

Yisinke natu lirongera ko omu Hoseya ga tekwire mukadendi Gomere?

Gomere nga hondere, nye Hoseya ga mu gusilire po ntani ga kere simpe mulikwali gwendi. Nsene Mukriste ogu ga kwara a hondera, mulikwali gwendi kuvhura a mu gusire po. Nsene mulikwali a kara panyama nomulikwali gwendi ogu ana hondere kapi tapa kara konda hena zelizumbo.—w18.12, epe. 13.