Kuvhura o limburure mapuro aga kuliza nomaRuhungu gomo2019 ndi?

Yisinke ali tanta etumbwidiro lyaKarunga eli asi: “nosirwiso si simwe esi ngasi ku rwadeka”? (Jes. 54:17)

Ose twa huguvara asi Jehova nga tu popera ‘kovagara wokurunda mutwe’ (Jes. 25:4, 5) Jehova kapi nga tarerera nonkore detu di twikire kutuhepeka.—w19.01, epe. 6-7.

Ngapi omu Karunga ga yi likidire asi age ga hara uhungami monkedi omu nga tekura Vakanani ntani noVaisraeli ava ngava dili kumulimburukwa?

Karunga nga pangura ava ngava lihameke moyirugana yoruhonda nava ngava hepeke vakadi novanona. Age nga tungike vantu ava ngava mu limburukwa ntani nava ngava tekura vakwawo mouhunga.—w19.02, epe. 22-23.

Yisinke natu rugana nsene muntu ga hana asi Mbangi ta kanderere?

Kuvhura tu mwene nokulikida nkareso zefumadeko nye kapi tatu vhuru kuuyunga asi “amen” ndi tu likwaterere komawoko. Kuvhura tu kanderere pwanyamwetu momutjima.—w19.03, epe. 31.

Ngapi omu Jehova ayi tara nsene muntu a kwatera munona kononkondo?

Nsene o kwatera munona kononkondo ove kuna kuzonena mukweni, mbungakriste, epangero ntani naKarunga. Vakuronambunga kurapota muntu gwangoso kepangero nsene veta zomosirongo yimo za sikama.—w19.05 epe. 9-10.

Yisinke nayi kuvatera o tjindje eyi ya kara momutjima goge?

Eyi wa hepa kurugana: Kanderera kwaJehova. Teda ko yipo o likonakone nyamoge. Horowora nawa vakaume woge.—w19.06, epe. 11.

Yisinke natu rugana ngesi yipo tu liwapaikire maheteko?

Twa hepa kunkondopeka ukaume wetu naJehova. Yi pura nawa-nawa asi Jehova ga ku hara ntani kapi nga ku siga. Resa Bibeli nkenye ezuva ntani kanderera nkenye apa. Yi pura nawa-nawa asi matungiko goUhompa waKarunga ngaga ka sika mo. Kwata momutwe nonsumo nomatjangwa aga wa hara.—w19.07 epe. 2-4.

Yisinke natu rugana yipo tu vatere vekoro lyetu ngava ka paruke?

Kara nonkenda ntani va tulira po sihonena sosiwa ntani lididimika nokukara nonondunge.—w19.08 epe. 15-17.

Ngapi omu atu gwana epwizumuko eli ga tumbwidilire Jesus mwaMateusa 11:28?

Ose kwa kara novapitisili wovawa, novakaume wovawa ntani nosirugana sosiwa.—w19.09, epe. 23.

Ngapi omu Jehova a tu pe eharo nononkondo dokurugana yuma? (Fil. 2:13)

Apa atu resa Nonkango daKarunga nokudeta ko, Karunga kuvhura kutupa nonkondo ntani neharo lyokurugana mpango zendi neyi tuna hara kurugana. Mpepo zendi zokupongoka kuvhura zi gwederere kediwo lyetu.— w19.10 epe. 21.

Yisinke natu rugana komeho zokutura po etokoro lyenene?

Rugana yininke eyi yitano: Rugana epaparo lyenene. Kanderera yipo o gwane nondunge. Kona-kona nokonda deyi ono kutulira po etokoro. Diva eyi ono hara kurugana. Kara nehetakano.—w19.11 epe. 27-29.

Egano lyomwenyo gwa ha fu kwa tunda kegano eli Satana ga tanterere Eva ndi?

Hawe. Satana kwa tanterere Eva asi kapi nga fa, nye age kapi ga tente asi nga moneka tupu ngwendi ana fu. Posiruwo soruhanzo vantu navenye ava ngava hanesa marongo goyimpempa kwa fire. Erongo lyokuhamena mwenyo gwa ha fu nampo kwa wizire po komeho Karunga a haraganese vantu ava va tungire Ruhungu rwaBabironi.—w19.12 epe. 15.