Wa resa nawa yifo yoRuhungu yomo-2020 ndi? Tara nsene kuvhura o limburure mapuro gana kukwama ko:

Ngapi omu natu tekura vanavazinyetu wovagwavekwa?

Ose kuhonena epuro lyawo; nye kapisi tu va yererepeke unene. Ose kunyokera po ‘kuhara’ unene muntu. (Juda 16) Ose kapi atu va pura omu va ya kara vagwavekwa.—w20.01, epe. 29

Yisinke nayi kuninkisa o yi pure asi Jehova ga ku diva?

Bibeli kulikida asi Jehova ga ku diva nampili komeho va ya ku hampuruke. Ntani age kuzuvha makanderero goge. Age ga diva magazaro nomalizuvho goge, ntani eyi o rugana kuvhura kumuhafesa ndi kumuguvisa. (1 Hist. 28:9; Yis. 27:11) Jehova mwene yige ga ku kokera kwendi.—w20.02, epe. 12.

Yihonena musinke ayi likida siruwo esi twa hepa kuuyunga nesi twa hepa kumwena?

Ose kuuyunga nsene kuna kutantera ko wopeke kuhamena Jehova. Nsene tuna mono gumwe ana hara kutura nzo. Vakuronambunga kuuyunga apa ava gava mapukururo. Ose kumwena nsene gumwe ta tu pura mauzera kuhamena sirugana setu moyirongo omu va si silika. Ose kapi atu horora mauzera gomokahore-hore.—w20.03, epe. 20-21.

Ngapi simbonde ogu va tumbura mwaJowera egaununo 2 ga lisiga nogu gemEhororo egaununo 9?

MwaJowera 2:20-29 kutanta asi Karunga kwa gusire po simbonde ntani ga tumbwidilire mokutengwidira po eyi ga zonagure simbonde. Konyima zoyo, Karunga kwa powomwene mpepo zendi. Eyi kwa ya sikire mo apa vakwayita vaBabironi va homwene Vaisraeli. MEhororo 9:1-11 kwa tumbura simbonde ogu ga fanekesa vagwavekwa womomazuva getu ava ava zuvhisa mbudi zompanguro mouzuni ou woudona, ano eyi kuhandukisa ava ava kwatesa ko uzuni ou.—w20.04, epe. 3-6.

Yilye hompa gokoMuzogo gwanaina?

Rusia noyirongo eyi ayi mu kwatesa ko. Awo kwa homokera vantu vaKarunga pokuhagekesa po sirugana sawo sokuzuvhisa ntani kulikida asi va nyenga Nombangi. Hompa gokoMuzogo nahompa gokoMbindakano kulirwanesa.—w20.05, epe. 13.

Yikara eyi va tumbura moVagarata 5:22, 23 yiyo yelike “yiyimwa yompepo” zokupongoka ndi?

Hawe. Mpepo zokupongoka kutuvatera tu tunge po yikara yimwe hena yoyiwa, ngwendi uhungami. (Efe. 5:8, 9)—w20.06, epe. 17.

Siponga musinke sa kara po mokutura eyi twa kara nayo koIntaneta?

Kutura yininke koIntaneta kulikida asi ove kuna kulimonekesa ntani asi kapi wa linunupika.—w20.07, epe. 6-7.

Yisinke vazuvhisi nava lirongera ko kovakwafi wonomfi?

Awo kurugana posiruwo sokuwapera ntani nekevango oku adi kara nomfi dononzi. Awo va diva kuruganesa yiruganeso youhunga. Ntani awo kurugana nouradi nampili momaukaro goudigu. Nose kuvhura tu rugane yokulifana mokuzuvhisa.—w20.09, epe. 5.

Nonkedi musinke dimwe natu vatera varongwa vetu woBibeli va hare unene Jehova?

Twa hepa kuvakorangeda va rese Bibeli nkenye ezuva ntani nokuvavatera va tede ko kweyi vana kuresa. Ntani nokuvaronga kukanderera.—w20.11, epe. 4.

Wolye va hamena mo mononkango edi asi: ‘Ngava va tura navenye mwenyo morwa kwa likwatakana naKristusa’?—1 Kol. 15:22.

Mupositoli Paurusa kapi ga tembe kwankenye muntu ogu ngava pindura koufe. Nye kwa tembe koVakriste wovagwavekwa ava “va horowora va kare vantu vaKarunga, ava va mu hamena mwaJesus Kristusa.” (1 Kol. 1:2; 15:18)—w20.12, epe. 5-6.

Yisinke ngava ka rugana vagwavekwa konyima zapa ngava va ‘situnukisa ngapa katu popi, apa ngaru hagara rumbendo rokuhulilira’?—1 Kol. 15:51-53.

Awo ngava ka lipakerera naKristusa mosirugana sokupangura vantu nomburo zosivera. (Ehor. 2:26, 27)—w20.12, epe. 12-13.