‘Kwata mutjima nokutameka sirugana’
“Likorerera o kwate mutjima. Tameka sirugana, wa ha tarerera yuma yi si ku hagekese.”—1 HIST. 28:20.
MARUSUMO: 60, 29
1, 2. (a) Situmbukira musinke va mu pere Saromo? (b) Morwasinke Ndafita ga karerere nosinka kwaSaromo?
SAROMO kwa mu pere situmbukira somulyo unene. Jehova yige ga mu pere situmbukira oso sokutunga ntembeli moJerusarema. Ntembeli ozo ‘za hepere kuwapa unene nokufumana mouzuni.’ Morwa azo kwa ya kere ‘ntembeli’ zaJehova.—1 Hist. 22:1, 5, 9-11.
2 Hompa Ndafita ga kere nehuguvaro asi Jehova nga kwatesa ko Saromo. Nye Saromo kwa kere simpe “mudinkantu ntani kapi ga divire yoyinzi.” Age ngano ga vhulire kusikisa mo situmbukira oso sokutunga ntembeli ndi? Mokumona asi age kwa kere mudinkantu ntani kapi ga divire yoyinzi ngano ya mu konderere mokusisikisa mo ndi? Mokumutompoka, Saromo ga hepere kukwata mutjima ndi kukara nouradi nokutameka sirugana.
3. Yisinke nampo Saromo ga lirongerere ko koguhwe?
3 Saromo nampo kwa li rongerere koguhwe sikara souradi. Ndafita apa ga kere mudinkantu nga popere nonzwi doguhwe koyikasama. 1 Sam. 17:34, 35) Age hena kwa likidire uradi apa ga ka rwisire etundusika. Nevatero lyaKarunga, Ndafita kwa fundire Golyata pokuruganesa kamanya.—1 Sam. 17:45, 49, 50.
(4. Morwasinke Saromo ga heperere kukara nouradi?
4 Ayo ya wepe kwa Ndafita mokukorangeda Saromo a kare nouradi nokutunga ntembeli. (Resa 1 Histoli 28:20.) Ngano Saromo kapi ga likidire uradi, ayo ngano ya mu konderere mokusikisa mo situmbukira sina.
5. Morwasinke twa hepera uradi?
5 Ngwendi Saromo, nose twa hepa evatero lyaJehova yipo tu kare nouradi nokusikisa mo sirugana setu. Tu tareni yihonena yimwe yava va likidire uradi. Ntani nokukagazadara ko omu natu likida uradi nokusikisa mo sirugana setu.
YIHONENA YAVA VA LIKIDIRE URADI
6. Yisinke ayi kutetukisa kuhamena uradi waJosefa?
6 Tu tareni sihonena saJosefa ogu ga likidire uradi apa mukadaPotifara ga mu kondjesere asi va ligwanekere panyama. Age nampo ga yi divire asi nsene na nyoka eparu lyendi kuvhura li kare mosiponga. Nampili ngoso, age kapi ga tjilire nye ga likidire uradi pokuduka.—Gen. 39:10, 12.
7. Singonona omu Rahabu ga likidire uradi. (Tara efano pepenuno 28.)
7 Rahabu nage gumwe ogu ga likidire uradi. Apa nondadi mbali da wizire membo lyendi moJeliko, age ngano ga tjilire nokuditjida. Nye age kwa di horokere membo lyendi nokudivatera di tjwayuke morwa ga huguvarere mwaJehova. (Jos. 2:4, 5, 9, 12-16) Rahabu ga yi divire asi Jehova yige Karunga gosili, ntani ga kere nepuro asi sitata saJeliko ngava si pa Vaisraeli. Age kapi ga pulisilire woma wokutjira vantu kukwatera mo hompa gwaJeliko u mu kondere a dire kuvatera nondadi dina. Nye age ga rugene ko yuma eyi ya ya mu parwire kumwe nepata lyendi.—Jos. 6:22, 23.
8. Ngapi omu vapositoli wa va kundamene uradi ou ga likidire Jesus?
8 Vapositoli vaJesus wovalimburukwi nawo kwa likidire uradi. Awo va mwene omu Jesus ga likidire uradi. (Mat. 8:28-32; Joh. 2:13-17; 18:3-5) Sihonena sendi sa va vaterere va tunge po sikara oso. Vapositoli kapi va hagekere kuzuvhisa medina lyaJesus nampili ngomu Vasadukayi ngava va rwanesa.—Yirug. 5:17, 18, 27-29.
9. Ngapi etjangwa lyomwa 2 Timoteusa 1:7 ali tu vatere tu dive oku au tundu uradi?
9 Uradi kwa tumangedere Josefa naRahabu naJesus ntani vapositoli va sikise mo yirugana yoyiwa. Awo kwa kere nouradi morwa kwa huguvarere mwaJehova nye kapisi mononkondo davene. Nose kuligwanekera nomaukaro omu twa hepa kulikida uradi. Mevango lyokulihuguvara nyamwetu, twa hepa kuhuguvara mwaJehova. (Resa 2 Timoteusa 1:7.) Tu tareni maruha gavali omu twa hepa kulikida uradi: mepata ntani mombungakriste.
MAUKARO AGA TWA HEPA URADI
10. Morwasinke vadinkantu woVakriste va hepera uradi?
10 Pwakara maukaro gomanzi omu vadinkantu woVakriste va hepa kulikida uradi ngomu vana ku karera Jehova. Awo kuvhura va lirongere ko kosihonena saSaromo ogu ga likidire uradi mokutura po matokoro gomawa a tunge ntembeli. Nampili ngomu vadinkantu woVakriste va hepa kutambura mavyukiso govakurona vawo, ayo mulyo mokutura po vene matokoro. (Yis. 27:11) Awo va hepa uradi mokura po matokoro ngwendi kugwana ekuho, kuhorowora vakaume noyilihafeso yoyiwa nokunyokera po nonkareso donondona. Va hepa uradi wangoso morwa kuna kurugana yininke eyi ayi dili kuhafesa Satana ogu a pe Karunga usima.
11, 12. (a) Ngapi omu Mosesa ga likidire uradi? (b) Yisinke nava lirongera ko vadinkantu kosihonena saMosesa?
11 Etokoro limwe eli va hepa kutura po vadinkantu kuna kara eyi ngava ka rugana komeho. Moyirongo yimwe vadinkantu kuvakondjesa va ze kelirongo lyokuzeruka yipo ngava ka gwane yirugana yokutambura yimaliva yoyinzi. Ano moyirongo yimwe ruhepo kuninkisa vadinkantu va kondjere kurugana unene yipo va rere makoro gawo. Nsene nove kuna kuligwanekera nomaukaro aga tuna tumbura, tara eyi ga rugene Mosesa makura o lirongere ko. Mosesa kapi ga kondjerere ungawo ndi a hare kudivikwa nampili ngomu ga mu rerere munwaFarawo gomukadi. Nampo varongi womoEgipite va mu kondjesere a kondjere ungawo nokudivikwa. Nampili ngoso, Mosesa kwa horowere po kukwatesa ko ukareli wousili. Apa ga sigire maungawo gomoEgipite age kwa likidire uradi nokuhuguvara mwaJehova. (Heb. 11:24-26) Oyo ya ninkisire Jehova a mu hare nokumupa mauwa. Ntani nga ka gwana hena mauwa gamwe komeho.
12 Jehova nga tungika vadinkantu ava vana kutura po matokoro gomawa pokutura Uhompa wendi muhowo. Age nga va vatera yipo va vhure kurera makoro gawo. Timoteusa apa ga kere mudinkantu kwa tokwere mokuruganena Karunga, ntani nove kuvhura oyi sikise mo. *—Resa Vafilipi 2:19-22.
Ono tokomene kukara nouradi mwankenye ukaro ndi? (Tara paragarafu 13-17)
13. Ngapi uradi wa vaterere munazinyetukadi gumwe a ture po matokoro gomawa?
13 Munazinyetukadi gomoAmerika ga hepere kukara nouradi yipo a ture po matokoro gomawa. Age kwa tente asi: “Ame kwa kere nonomuga. Kapi ngani vhuru kuuyunga novantu komapongo nye unene po, ngayi digopere nge kuzuvhisira vantu.” Nye nevatero lyovakondi vendi ntani nava womombungakriste ga ya tamekere kurugana uzuvhisi wokukarerera. Age kwa tanta hena asi: “Uzuni waSatana kukorangeda vantu va gazare asi kuza kelirongo lyokuzeruka, kudivikwa, kukara noyimaliwa noyiweka yoyinzi kuna kara yitambo yoyiwa. Rorunzi ava ava yi kondjere, kapi ava yi gwana ntani ayo kuvaretera yinka yoyinzi. Nye kukarera Jehova kwa retera nge ruhafo ntani ya tompoka nge.
14. Momaukaro musinke gamwe omu vakondi va hepa kukara nouradi?
14 Vakondi nawo va hepa kukara nouradi. Pasihonena, muhona goge kuvhura a ku pure nkenye apa o rugane rutayima poyiruwo eyi o rugana ukareli wepata, kuza mokuzuvhisa ntani komapongo. Pwa hepa uradi mokuyinyokera po oyo yipo o kare sihonena sosiwa kovana woge. Ntani wa hepa hena uradi nsene vakondi vamwe mombungakriste kupulisira vana vawo va rugane yininke eyi ono dili kuharera vana woge va rugane. Awo kuvhura va ku pure eyi vana woge ava dilire kulihameka mo. Ove ngo vhura kulikida uradi pokuvafatwilira nokonda doge monkedi zongwa ndi?
15. Ngapi matjangwa aga Episarome 37:25 ntani Vahebeli 13:5 naga vatera vakurona?
15 Vakurona va hepa uradi mokuvatera vana vawo va ture po matokoro gomawa. Pasihonena, vakurona vamwe kutjira kukorangeda vana vawo va rugane uzuvhisi wokukarerera, kukazuvhisira oku kuna hepa vazuvhisi, kukarugana koBeteli ndi kukavatera mokutunga mavango goukareli. Awo nampo kulizuvha asi kwato ogu ngava rera apa ngava kurupa. Nye vakurona ava ava kwama nompango Episarome 37:25; Vahebeli 13:5.) Vakurona ava ava huguvara mwaJehova kuvatera vana vawo va rugane yokulifana.—1 Sam. 1:27, 28; 2 Tim. 3:14, 15.
domoBibeli kukara nouradi nokuhuguvara momatumbwidiro gaJehova. (Resa16. Ngapi vakurona vamwe va vatera vana vawo va litulire po yitambo ntani mauwa musinke va gwanena mo?
16 Valikwali vamwe womoAmerika kwa vaterere vana vawo va ture po matokoro gomawa. Nturagumbo kwa tente asi: “Ose ngatu tantere vana vetu apa va kere awo simpe vakeke kuhamena mauwa aga aga tundu mokurugana uzuvhisi wokukarerera nokuvatera mombungakriste. Ano ngesi nawo va ya tura po matokoro ogo. Kulitulira po yitambo yoyiwa nokuyisikisa mo kuvatera vana vetu va funde po makondjeso gaSatana nokutwikira kukarera Jehova.” Munazinyetu ogu ga kara novana vavali kwa tanta asi: “Vakurona wovanzi kuruganesa siruwo noyiweka yawo mokuvatera vana vawo va ze kelirongo lyokuzeruka ndi va lihameke momaudano ndi yilihafeso. Nye ayo ya wapa kovakurona mokuruganesa siruwo noyiweka yawo mokuvatera vana vawo va ture po matokoro aga ngaga va ninkisa va kare nelikwatakano lyewa naJehova. Ayo kutuhafesa pokudiva asi ose twa vatera vana vetu va ture po matokoro gomawa.” Kara nehuguvaro asi Karunga kutungika vakurona ava ava vatere vana vawo va litulire po yitambo nokuyisikisa mo.
KULIKIDA URADI MOMBUNGAKRISTE
17. Gava yihonena omu natu likida uradi mombungakriste.
17 Twa hepa hena kulikida uradi mombungakriste. Pasihonena, vakuronambunga va hepa uradi pokukohonona po maudigu gomanene ndi pokuvatera ava vana hepa uhaku. Awo va hepa hena uradi apa ava zi va ka lironge novanadorongo. Ngapi kuhamena vanavazinyetukadi wovadike? Nawo va kara nompito zokurugana uzuvhisi wokukarerera, kudirukira oku vana hepa vazuvhisi, kukavatera mokutunga mavango goukareli ntani kuza koSikora
zoVazuvhisi woUhompa. Ano vamwe kuvhura va ze koSikora zaGiliyata.18. Ngapi omu vanavazinyetukadi wovakurupe nava likida uradi?
18 Vanavazinyetukadi wovakurupe nawo kuvatera mombungakriste. Ose twa va hara sili unene. Nampili ngomu ayi dili kuvatompoka mokurugana unene, awo simpe kuvhura kulikida uradi moyirugana yawo. (Resa Titusa 2:3-5.) Pasihonena, munazinyetukadi gomukurupe ga hepa uradi mokupukurura munazinyetukadi gomudinkantu kuhamena ndwareso zendi. Age kapi nga handukira mudinkantu ogo, nye age nga mu korangeda a gazadare ko omu ndwareso zendi nazi kundama wopeke. (1 Tim. 2:9, 10) Makorangedo gangoso kuvatera mbungakriste zi kare mouumwe.
19. (a) Ngapi omu vanavazinyetugara ava va gwana ekuho nava likida uradi? (b) Ngapi etjangwa lyoVafilipi 2:13; ntani 4:13 nali va vatera va kare nouradi?
19 Vanavazinyetugara ava va gwana ekuho nawo va hepa kukara nouradi mokutameka sirugana sawo. Mbungakriste kugwanena mo uwa apa vanavazinyetu owo ava sikisa mo yitambo yawo pokukara vakwafimbunga ndi vakuronambunga. (1 Tim. 3:1) Nye vamwe kukara nowoma asi kapi ngava yi sikisa mo. Nampo awo nare kwa tulire nonzo donene yipo ava lizuvhire asi kapi va wapera kukara vakwafimbunga ndi vakuronambunga. Ano vamwe kulisensa vene asi kapi ngava vhura kuyisikisa mo. Nsene yimo o lizuvhu ngoso, Jehova nga ku vatera o kare nouradi. (Resa Vafilipi 2:13; 4:13.) Apa Mosesa va mu pere situmbukira, nage kwa lizuvhire asi kapi ngayi sikisa mo. (Ex. 3:11) Nye Jehova ga mu vaterere ntani mwaza siruwo ga ya kere nouradi ou wa mu vaterere a sikise mo situmbukira sendi. Yisinke nayi vatera munazinyetugara ogu ga gwana ekuho a kare nouradi? Age ga hepa kukanderera nokuresa Bibeli nkenye ezuva. Ntani ga hepa kuteda ko koyihonena yomoBibeli yava va likidire uradi. Age kuvhura a pure vakuronambunga va mu deure nokulitura mo mokuvatera mbungakriste mwankenye eyi. Vanavazinyetugara ava va gwana ekuho kuna kuvakorangeda va kare nouradi nokurugana unene mombungakriste.
“KARUNGA . . . NGA KARA NOGE”
20, 21. (a) Yisinke Ndafita ga diworokesere Saromo? (b) Ehuguvaro musinke natu kara nalyo?
20 Hompa Ndafita kwa diworokesere Saromo asi Jehova nga kara nendi dogoro ngazi pwe kudika ntembeli. (1 Hist. 28:20) Saromo ga tambwire mapukururo gena, age kapi ga pulisilire udinkantu wendi ntani kudira kudiva yoyinzi yi mu konderere mokusikisa mo situmbukira sendi. Age kwa kere nouradi pokutameka sirugana sendi. Ano nevatero lyaJehova, ga mene kudika ntembeli zongwa monomvhura ntambali noharufa.
21 Jehova ga vaterere Saromo ntani nose ngatu vatera tu kare nouradi yipo tu sikise mo yirugana yetu mepata ntani mombungakriste. (Jes. 41:10, 13) Nsene tu kara nouradi ngomu tuna kukarera Jehova, kuvhura tu kare nehuguvaro asi age ngatu tungika ngesi ntani nokomeho. Yipo nye ‘kwata mutjima nokutameka sirugana.’
^ para. 12 Mauzera kuhamena omu no tura po matokoro gomawa kuvhura kugagwana mosirongwa “Tura po matokoro aga naga yererepeka Musiti goge,” moRuhungu romoRuingilisa 15 Pembankuru 2004.