Apa atu resa Bibeli, ose kuvhura kuruganesa yiruganeso yokulisiga-siga yipo tu kwate nawa egano eyi atu resa. Nye ose kapi tuna hara kulironga tupu yipo tu gwederere kediwo lyetu lyomoBibeli. Ose tuna hara kulironga yininke yoyinzi kuhamena yikara yoyiwa yaJehova eyi nayi tu ninkisa tu mu hare unene. Mokuyirugana eyi, ose kuvhura tu lipure nyamwetu asi: ‘Yisinke sina kuronga nge sihorokwa esi somoBibeli kuhamena Jehova?’

Pasihonena, kuvhura o hetekere ko kupapara mauzera kuhamena omu Jehova ga likida eharo, unongo, uhungami ntani nononkondo dendi. Nye pwa kara hena yikara yaJehova yimwe yoyiwa eyi novhura kulironga. Kupi novhura kugwana mauzera gomanzi kuhamena yikara yendi?

Tarurura elikwamo lyoyikara yoyinzi yokupitaka po 50 eyi ya kara moWatch Tower Publications Index, konhi zosiparatjangwa “Jehovah” ntani siparatjangwagona “Qualities by Name,” moRuhingilisa. Rugana epaparo kuhamena yikara eyi yina li zi nosihorokwa somoBibeli esi ono kuresa. (Nsene asi ove kukutompoka tupu kurugana epaparo moBuke zepaparo zoNombangi daJehova, tara konhi zosiparatjangwa “Jehova Karunga” ntani siparatjangwagona “Yikara yaJehova.”)