‘Kugongama ndi kugazara yopampepo kureta mwenyo nombili’’
“Ava va hamena koukaro wopaMpepo, kutamba yopaMpepo.”—ROM. 8:5.
MARUSUMO: 57, 52
1, 2. Morwasinke Varoma egaununo 8 lya karera nomulyo koVakriste wovagwavekwa?
POMURARERO gwaHompa ogu atu rugana nkenye mvhura, nampo wa resa etjangwa lyoVaroma 8:15-17. Etjangwa olyo kufaturura omu Vakriste ava yi diva asi va va gwavekwa, morwa mpepo zaKarunga kulipakerera nompepo zawo zi gave undipo. Ntani movelise zokuhova megaununo olyo kwa tumbura mo “ava va kara mwaJesus Kristusa.” Ngoso Varoma egaununo 8 kwa tamba tupu kovagwavekwa ndi? Ndi kwa tamba hena koVakriste ava va kara nehuguvaro lyokuparukira pevhu?
2 Egaununo olyo unene po kwa li tjangerere Vakriste wovagwavekwa. Awo kugwana ‘mpepo pokundindira asi Karunga a va ninke va kare vana vendi pokuzowora marutu gawo.’ (Rom. 8:23) Komeho awo ngava ka kara vana vaKarunga meguru. Karunga gava dongwenena po nonzo dawo kupitira mosizoweseso nokuvahungameka ngovana vendi wopampepo.—Rom. 3:23-26; 4:25; 8:30.
3. Morwasinke Varoma egaununo 8 lya karera hena nomulyo kowo va kara nehuguvaro lyokuparukira pevhu?
3 Varoma egaununo 8 kwa tamba hena koVakriste ava va kara nehuguvaro lyokuparukira pevhu morwa Karunga kuvatara nawo asi va hungama. Ano oyo kwa yi likida mononkango edi ga tjenge Paurusa. Megaununo 4, age kwa tumbwire kuhamena Abirahamu. Mugara ogo gepuro kwa parukire komeho Jehova a pe Vaisraeli Veta ntani komeho Jesus a ya fire vantu. Nampili ngoso, Jehova ga mwene epuro lyene lyaAbirahamu yipo ga mu varwilire asi muhungami. (Resa Varoma 4:20-22.) Mokulifana, Vakriste wovalimburukwi ava va kara nehuguvaro lyokuparukira pevhu, Jehova kuvavarwira nawo kouhungami. Nawo kuvhura va gwanene mo uwa momavyukiso aga ga kara moVaroma egaununo 8.
4. Epuro musinke natu lipura pokuresa Varoma 8:21?
4 MoVaroma 8:21, kwa tumbwidira mo asi uzuni woupe ngau wiza. Velise ozo kwa tanta asi “unsitwe ngava u zowora mo moupika wezonauko, ngau ze mezowoko lyouyerere wovana vaKarunga.” Ove wa kara nehuguvaro asi ngo ka kara mouzuni owo ndi? Varoma egaununo 8 kwa gava mavyukiso eyi no vhura kurugana yipo ngo ka kare mo.
‘KUGAZARA NDI KUGONGAMA YOPASINTU’
5. Ukaro musinke ga tumbwire Paurusa moVaroma 8:4-13?
5 Resa Varoma 8:4-13. MoVaroma egaununo 8 kwa tumbura mo vantu ava va hamena “koukaro wopasintu” ntani nava va hamena “koukaro wopaMpepo.” Vamwe kugazara asi Paurusa kwa tembe komalisigo pokatji koVakriste ntani nava va hana asi Vakriste. Nye Paurusa kwa tjangerere ‘womoRoma ava ga here Karunga yiyo ga va zigidire va kare vantu vendi.’ (Rom. 1:1) Yipo nye, Paurusa kwa tembe komalisigo pokatji koVakriste ava va heme koukaro wopasintu ntani noVakriste ava va heme koukaro wopampepo. Malisigo musinke va kere nago?
6, 7. (a) Mononkedi musinke Bibeli azi ruganesa nkango ‘pasintu’? (b) Yisinke ga tembe Paurusa apa ga ruganesere nkango ‘pasintu’ moVaroma 8:4-13?
6 Tu konakoneni nkango ‘pasintu.’ Yisinke ga tembe Paurusa? Bibeli kwa ruganesa nkango ‘pasintu’ mokutamba koyininke yokulisiga-siga. Poyiruwo yimwe, azo kutamba komarutu getu gopanyama. (Rom. 2:28; 1 Kol. 15:39, 50) Azo kutamba hena omu vantu va litundakana. Jesus ‘pasiuntu age kwa mu hampurukilire mezimo lyaNdafita,’ ntani Paurusa kwa tere Vajuda asi ‘vakwawo womomuhoko gwawo.’—Rom. 1:3; 9:3.
7 Eyi ga tjenge Paurusa megaununo 7, kutupa ko uzera kuhamena nkango ‘pasintu’ ezi ga tumbwire moVaroma 8:4-13. Age kwa kwatakanesere ‘ukaro wopantu’ kumwe ‘nomadowo gomadona gononzo’ aga nga ga ‘rugana momarutu gawo.’ (Rom. 7:5) Oyo kutuvatera tu kwate egano eyi ga tembe Paurusa apa ga uyungire asi “ava va hamena koukaro wopasintu, kutamba yopasintu.” Age kwa tembe kovantu ava aga pangere madowo gawo ndi owo ava kwama madowo gopasintu. Vantu owo kuhokwa tupu yeyi va hara, yi kare asi madowo goruhonda ndi yininke yapeke.
8. Morwasinke Paurusa ga rondwerere Vakriste wovagwavekwa va dire kuhama “koukaro wopasintu”?
8 Morwasinke Paurusa ga rondwerere Vakriste wovagwavekwa va dire kuhama “koukaro wopasintu”? Naina Vakriste nawo kuvhura va gwire moukaro owo ndi? Nkenye Mukriste kuvhura a tameke kuhama koukaro wopasintu wononzo. Pasihonena, Paurusa kwa tjenge asi Vakriste vamwe womoRoma ngava kwama “mazimo gavene,” eyi nampo ya kwaterere mo edowo lyoruhonda ndi lyonondya ndi nayopeke. Ano vamwe ngava ‘pukisisa wonomutjima dononderu.’ (Rom. 16:17, 18; Fil. 3:18, 19; Juda 4, 8, 12) Mombungakriste zomoKolinte mwa kere munazinyetugara ogu nga ‘rara nozinagona.’ (1 Kol. 5:1) Oyo yiyo nye Karunga ga ruganesere Paurusa a rondore Vakriste vena kuhamena ‘kugazara yopasintu.’—Rom. 8:5, 6.
9. Kosinke lya dira kutamba erondoro eli ga geve Paurusa moVaroma 8:6?
9 Erondoro olyo simpe mulyo kwetu. Nampili Mukriste kwa karera Karunga nomvhura dononzi, kuvhura a tameke kugazara yopasintu. Nye kapi lya tamba koMukriste ogu a gazara poyiruwo yimwe kuhamena nondya, yirugana, yilihafeso ndi nonkwara. Morwa oyo yiyo yininke yimwe twa hepa meparu. Jesus nage nga hafere nondya ntani nga kutike vantu. Age ga mwene hepero lyokuhafesa. Ntani mupositoli Paurusa kwa tjenge asi eligwanekero panyama mulyo mononkwara.
Eyi wa hara kuuyunga kulikida asi ove kugazara yopasintu ndi yopampepo ndi? (Tara paragarafu 10, 11)
10. Yisinke ayi tanta ‘kugazara yopasintu’ moVaroma 8:5, 6?
lyoVaroma 8:5 asi: “Awo kugazadara nokuuyunga nokurugana nkenye apa yininke eyi ga hara marutu gawo.”
10 Yisinke nye ga tembe Paurusa kuhamena ‘kugazara yopasintu’? Nkango zoRugereka ezi ga ruganesere Paurusa kwa tembe “kudemenena unene magazaro goge ndi mutjima goge kosininke songandi, nokuruganesa nonkondo doge mokugazara sininke esi wa hara.” Vantu ava ava hamene koukaro wopasintu kupulisira madowo gawo gava pangere. Mulirongi gumwe kwa uyungire kuhamena vantu ava lya tembe etjangwa11. Yininke musinke nayi vhura kukara asi yiyo twa hara po unene meparu?
11 Vakriste womoRoma va hepere kulikonakona va dive nsene asi eparu lyawo kwa demenene ‘koyininke yopasintu’ ndi hawe. Nose twa hepa kulikonakona asi: Yisinke twa hara unene ntani yininke musinke atu uyunga nkenye apa? Yisinke twa hara kurugana nkenye ezuva? Vamwe kudemenena unene mokumakera vhinyu ndi yikorwesa yokulisiga-siga ndi kuwapaika mambo gawo nokurandangana yikoverero yoyipe nokupungura yimaliwa nokutura po mawapaiko gokuza kepwizumuko ntani nayimwe hena. Yininke oyo kapi ya kara epuko kuyirugana. Pasihonena, Jesus sikando simwe kwa rugene vhinyu ntani Paurusa kwa tanterere Timoteusa a makere ko “nakauke vhinyu.” (1 Tim. 5:23; Joh. 2:3-11) Nye Jesus naPaurusa ngava gazara nokuuyunga nkenye apa kuhamena vhinyu ndi? Yininke eyi va here yiyo ngava hokwa tupu kuuyunga nkenye apa ndi? Hawe. Ose yisinke twa hara po unene meparu?
12, 13. Morwasinke ya karera nomulyo kutakamesa eyi atu gazara unene?
12 Mulyo kulikonakona nyamwetu. Morwasinke? Paurusa kwa tjenge asi: ‘Kugongama ndi kugazara yopasintu kureta nomfa.’ (Rom. 8:6) Ayo kutanta asi kuvhura tu zumbanese elikwatakano lyetu naJehova ngesi ano komeho mwenyo gwanarunye. Paurusa kapi ga tembe asi nsene muntu a tameka ‘kugazara yopasintu,’ asi ngava mu zonagura po kwato eyi na vhura kurugana ko. Nye muntu kuvhura kutura po marunduruko. Pasihonena, mugara gwina gomombungakriste zoVakolinte kwa kweme ‘yopasintu’ makura tava mu gusa mo mombungakriste. Nye ga tulire po marunduruko. Age kwa hagekere kukwama ukaro wopasintu nokurugana youhunga.—2 Kol. 2:6-8.
13 Nsene asi ya tompokere mugara gwina kutura po marunduruko, Vakriste nawo kuvhura yi va tompoka unene po nsene nzo zawo kapisi nene unene ngwendi zomugara gwina gomoKolinte. Yipo nye yitundwamo eyi ga tumbwire Paurusa kuhamena ‘kugazara yopasintu’ ngano yi tumangede Vakriste va ture po marunduruko.
‘KUGONGAMA NDI KUGAZARA YOPAMPEPO’
14, 15. (a) Kugusa ko ‘kugazadara yopasintu,’ yisinke hena natu vhura kugazara? (b) Yisinke ayi dili kutanta ‘kugazara yopampepo’?
14 Apa Paurusa ga mene kugava erondoro kuhamena ‘kugazara yopasintu,’ ta gava ekorangedo eli asi: ‘Kugazara yopampepo kureta mwenyo nombili.’ Azo kuna kara mfeto zongwa. Ngapi natu vhura kuzigwana?
15 ‘Kugazara yopampepo’ kapi ayi tanta asi muntu ga hepa kugazara nokuuyunga tupu yokuhamena koBibeli, keharo lyendi lyokuhara Karunga ndi koparadisa. Twa hepa kudiworoka asi Paurusa noVakriste Mar. 6:3; 1 Tes. 2:9.
wopomuhowo ava ngava hafesa Karunga nawo ngava li nokunwa. Sinzi sawo va kwere nokukara novana ntani ngava rugana.—16. Nampili ngomu Paurusa nga rugana yapeke, kosirugana musinke ga demenene unene?
16 Nampili ngoso, Paurusa noVakriste wopomuhowo kapi va litulire mo unene moyininke oyo yemeparu yi kare yomulyo po unene kwawo. Sirugana saPaurusa kwa kere sokurugana notenta. Nampili ngoso, Bibeli kwa likida asi age unene po kwa demenenene ko kosirugana sokuzuvhisa nokuronga vantu. (Resa Yirugana 18:2-4; 20:20, 21, 34, 35.) Oso yiso sirugana ga tumangedere vapuli vakwawo womoRoma va rugane. Paurusa kwa litulire mo unene mokukarera Jehova. Vakriste womoRoma va hepere kumuhonena ntani nose twa hepa kumuhonena.—Rom. 15:15, 16.
17. Yisinke ngatu gwana nsene tu ‘gazara yopampepo’?
17 Yitundwamo musinke nga yi kara nsene tu demenena mokukarera Jehova? Varoma 8:6 kutanta asi: ‘Kugazara yopampepo kureta mwenyo nombili.’ Ayo kutanta asi kupulisira mpepo zokupongoka zi gamene magazaro getu yipo ga lize nomagazaro gaKarunga. Nsene tu demenena ‘yopampepo,’ ose ngatu gwana ruhafo meparu ngesi. Ntani ngatu gwana mwenyo gwanarunye, yi kare asi meguru ndi pevhu.
18. Nkedi musinke atu gwana mbili apa atu ‘gazara yopampepo’?
18 Tu tareni ekorangedo eli asi ‘kugazara yopampepo kureta mbili.’ Vantu wovanzi kukondja asi va gwane mbili zomomutjima. Nye ose twa zi gwana nare. Nkedi zimwe omu atu gwana mbili ozo, pokukondjera kutulisa po mbili momapata getu ntani nomombungakriste. Mokumona asi kapi twa sikilira mo ose pamwe kulizonena novanavazinyetu. Apa ayi horoka oyo, ose kukwama epukururo lyaJesus eli asi: “Ka lipe mbili namukweni.” (Mat. 5:24) Ayo ureru kuyirugana oyo morwa twa diva asi vanavazinyetu nawo kukarera “Karunga gombili.”—Rom. 15:33; 16:20.
19. Mbili musinke ngatu vhura kukara nazo nsene tu gazara yopampepo?
19 Pwa kara hena mbili zomulyo po unene. ‘Pokugazara yopampepo,’ ose kukara mombili noMusiti gwetu. Jesaya kwa tjenge nonkango edi da tembe mosiruwo sawo nye kuna kusika mo nanaina asi: ‘Ove HOMPA, gava mporazuni ndi mbili kwava va kora mositambo sawo yiyo va huguvara moge.’—Jes. 26:3; resa Varoma 5:1.
20. Morwasinke ono karere norupandu komapukururo gomoVaroma egaununo 8?
20 Yi kare asi ose vagwavekwa ndi ngatu ka parukira pevhu, natuvenye kuvhura kugwanena mo mauwa momapukururo aga ga kara moVaroma egaununo 8. Ee, rupandu musi tuna kara naro kweyi Bibeli za tu rondora tu dire kudemenena ‘koukaro wopasintu!’ Ose tuna dimburura mulyo gokukwama ekorangedo eli asi: ‘Kugazara yopampepo kureta mwenyo nombili.’ Nsene tu yi rugana, ngatu gwana mfeto zanarunye, morwa Paurusa kwa tjenge asi: “Mfeto zononzo nomfa, nye uhwi wonkenda waKarunga yiwo mwenyo gwanarunye mwaJesus Kristusa, Hompa gwetu.”—Rom. 6:23.