MoUtatu ngurangura 5 Sitarara 2012, kwa divisire mepata lyoBeteli moAmerika neli lyomoKanada asi ngesi vana gwederere mo muhameni gomupe moMbungagendesi zoNombangi daJehova. Munazinyetu Mark Sanderson kwa tamekere nosirugana sendi oso sosipe 1 Sitarara 2012.

Munazinyetu Sanderson, vakurona vendi woVakriste kwa mu rerera momukunda gwaSan Diego moKalifoniya mosirongo saAmerika, ano 9 Murongankuru 1975 yipo ga gwene ekuho. Mezuva 1 Sitarara 1983 yipo ga tamekere uzuvhisi wokukarerera momukunda gwaSaskatchewan moKanada. MwaSindimba 1990, yipo ga ka tundire koSikora zedeuro vapitisili wombunga (ezi vana kutumbura naina asi Sikora zoBibeli zoVagara woVadike) moAmerika. MwaKudumogona 1991, munazinyetu Sanderson yipo va mu tumine kosirudi saNewfoundland moKanada a ka rugane uzuvhisi wosiruwo nasinye. Konyima zokurugana ngomukwatelimo mutareli gonombungakriste, age kwa mu zigidire mwaMurongankuru 1997 a ka kare muhameni gepata lyoBeteli zomoKanada. MwaMangundu 2000, tava mu tumu koBeteli zomoAmerika, oku nga ka rugana koDepartemende zokugava mapukururo kosipangero ano konyima koDepartemende zoYirugana yokuzuvhisa.

MwaSitarara 2008, munazinyetu Sanderson kwa kere moSikora zava womoKomitiye zoMutayi, ano konyima kwa ya mu tumine a ka kare gumwe gomoKomitiye zoMberewa zomutayi moPhilippines. MwaSitarara 2010, yipo va mu zigidire a tengure koAmerika, oku nga ka rugana ngomuvateli goKomitiye zoMbungagendesi.