Wa resa nawa yifo yoyipe yoRuhungu ndi? Tara nsene kuvhura o limburure mapuro gana kukwama ko:

Siruwoke Jesus ga ‘udisilire nompepo domodorongo’? (1 Pet. 3:19)

Kumoneka asi konyima zevhumbuko lyendi, Jesus kwa divisire konompepo donondona kuhamena mpanguro zado ezi zina kudindindira.—6/15, epenuno 23.

Yininke musinke yitatu no rugana yipo yi ku tompoke nsene ono ya kwara hena?

Ayo kuna kara: Wa ha pulisira nonkwara doge danare di donganese nonkwara deni donompe, monkedi omu no uyunga novakaume woge ava va dira kudiva mulikwali goge gomupe, huguvara mulikwali goge gomupe nampili mulikwali goge gokuhova ga kukumbagerere.—9/1, epenuno 10-12.

Ezuvake Jesus nga hangura nonzwi koyikombo? (Mat. 25:32)

Kuna kara apa Jesus nga wiza a ya pangure vantu poudigu wounene, konyima zokuzonagura po maukarelikarunga goyimpempa.—7/15, epenuno 6.

Siruwoke vazoni woveta va tumbura mosifanekeso soyilya nomau ngava ‘likwetja mazego gawo’? (Mat. 13:36, 41, 42)

Poudigu wounene apa ngava yi dimburura asi kwato kokuhendukira ezonauko.—7/15, epenuno 13.

Siruwoke da sikire mo nonkango daJesus kuhamena mukareli gokulimburukwa gonondunge? (Mat. 24:45-47)

Ado kwa tamekere kusikilira mo konyima 1914, kapisi poPentekoste momvhura 33. Momvhura 1919, Jesus kwa horowere mukareli nokumutumba a kare mutunini govantu vendi, a pe Vakriste navenye nondya dopampepo.—7/15, epenuno 21-23.

Siruwoke Jesus nga tumba mukareli gokulimburukwa a kare mukungi gemona lyendi mudima?

Eyi ngayi ka horoka komeho, poudigu wounene apa mukareli gokulimburukwa nga gwana mfeto zendi zemeguru.—7/15, epenuno 25.

Yisinke nayi horoka nsene tu litura mo unene moyirugana yetu yopanyama?

Yirugana yetu kuvhura yi tu donganese, unene po nsene twa yi hara unene. (Mat. 6:24)—8/15, epenuno 6.

Yisinke ya vaterere Nombangi daJehova 230 di paruke morugendo rovanadorongo womokamba zaSachsenhausen?

Nampili ngomu va ligwanekerere nonzara nomauvera, awo kwa likorangedere-korangedere yipo va twikire ngorooro kugenda.—8/15, epenuno 18.

Morwasinke a si tu korangedere sihorokwa soVaisraeli sokutaguruka mukuro gwaJorodana va hwilire moSirongo sEtumbwidiro?

Nampili ngomu mukuro gwa zulire mema, Jehova ga sikamekere mema ogo yipo vantu vendi va vhure kutaguruka. Ayo kwa nkondopekere epuro lyawo nokuhuguvara unene mwaJehova, sihorokwa esi nose kuvhura kutunkondopeka.—9/15, epenuno 16.

Ngapi omu Mukriste na vhura ‘kupa usima’ Jehova?

Eyi kuvhura kulilikida moyirugana yendi. Pasihonena, kuvhura a dire kulitura mo mosirugana sokuzuvhisa ndi a dire kuwiza komapongo.—8/15, epenuno 10-11.

Ngapi omu uporofete womwaMika 5:5 wokuhamena vagendesi wononkondo una kusika mo naina?

Ose twa yi kwata egano asi ‘vagendesi wononkondo’ va tumbura mwaMika 5:5 kwa tamba kovakuronambunga, ava vana kunkondopeka vantu vaKarunga mokuvawapaikira kehomono eli lina kara pepi.—11/15, epenuno 20.

Erongo musinke ali vatere unene vakareli vaJehova?

Vakareli vaJehova awo kuhorowora erongo eli ali va pe ediwo omu nava rugana yirugana yokomawoko yipo hena va vhure kukarera Karunga.—10/15, epenuno 15.