Nonkango daKarunga da runduruka ndi?
Vantu vamwe kulipura nsene asi Nonkango daKarunga da runduruka. Muporofete Jesaya kwa uyungire kuhamena nonkango daKarunga asi “ngadi kara dogoro narunye.” (Jesaya 40:8) Ngapi omu tuna yi diva asi Nonkango daKarunga kapi va di rundurura?
Karunga ga kara nononkondo dokupopera Nonkango dendi va dire kutura mo mapuko. Poyiruwo yanare, apa va tjangwilire matjangwa, vatjangi owo kwa varwire nkenye nkango va divilise asi kapi vana gweda ko, vatjangulili vamwe va tulire mapuko gomasesu.
NGAPI OMU TUNA YI DIVA ASI MATJANGWA GANAINA KUNA KARA MBUDI ZAKARUNGA ZOPOMUHOWO?
Pwa kara matjango ganare gomanzi goMatjangwa goKupongoka. Nampili metjango limwe mu kara epuko lyongandi, kuvhura kuhetakanesa nomatjango gapeke mokugwana usili. Mokugwana ko mauzera gomanzi, tara sirongwa “Bibeli va zi rundurura ndi mapuko mo?” ko jw.org
Pasihonena, tara etjango ava tumbura asi Magango geKefuta lyoKufa eli va gwene pepi nEfuta lyoKufa mo-1947. Momatjango omo kwa kara mo maruha goMatjangwa goKupongoka va tjenge nomvhura dokupitakana pomayovi gavali. Vakonakoni kwa hetakanesere matjango ogo kumwe noMatjangwa gokupongoka tuna kara nago naina. Yitundwamo?
Valirongi kwa yi konakona asi mbudi zomoNonkango daKarunga ezi twa kara nazo kwa liza nomatjangwa ganare. * Apa va konakona matjangwa ganare ago kwa kwatesa ko asi mbudi zomoMatjangwa gokupongoka tuna kuresa naina kwa tunda kwaKarunga. Tuna kareni nepuro asi Karunga ga divilisa mokupopera Matjangwa gokupongoka tuna kuresa naina.
Yipo nye, kuvhura tu rese Nonkango daKarunga nehuguvaro asi ado usili. Ngesi tu tareni eyi natu vhura kulirongera ko kuhamena Karunga kovaporofete vendi.
^ para. 7 Kuliza nobuke The Complete Dead Sea Scrolls in English ezi ga tjanga Geza Vermes pepenuno 16.
Kuvhura o hafere hena
RUHUNGU
Bibeli kapi va zi zonagura po ava va here kutjindja mbudi zamo
Vamwe kwa hetekerere ko kutjindja mbudi zomoBibeli. Ngapi omu ya dilire kuvatompoka?
ESSENTIAL BIBLE TEACHINGS
Ngapi natu diva asi Bibeli usili?
Nsene Karunga yige ga retesa po Bibeli, azo tazi li sigi karere.
MARAPOTO
Awo kwa tere Bibeli asi mulyo—Karuhagona (William Tyndale)
Kupitira moyirugana yendi age kwa likidire asi ga hara Bibeli, ano nose kuna kugwanena mo mauwa naina.
