Vantu wovanzi mouzuni vana hepa nondya nomararo. Vamwe vana hepa kuvapa ehuguvaro lyokomeho. Ngapi omu Karunga nga tu tungika ngomu tuna kulituramo kuvatera vantu vangoso?

“Nsene o gava konohepere kuna fana ngwendi kwaHOMPA ono heheda, nye HOMPA nga ku tengwida kuwoko.”—YISEWE 19:17.

Jesus kwa simwitilire esimwititi lyomugara ogu va homokerere vanamahaka nokumu toona dogoro kuhara kufa. (Rukasa 10:29-37) Makura mugara gumwe ta piti ta vatere ogu va remekere. Nampili ngomu ga kere gorudi rwapeke age ga mu vaterere.

Mugara ogo gonkenda kapi tupu ga dingire yironda yogu va remekere nokumupakera mbili nye hena kwa mu hengagwidire moudigu wendi.

Yisinke tuna lirongere ko kesimwititi eli? Jesus kwa likidire asi twa hepa kurugana ko paapa twa hulira mokuvatera owo vana kuhepa. (Yisewe 14:31) Matjangwa goKupongoka kuturonga asi Karunga nga hagekesa po erumbu noruhepo. Nye kuvhura tu lipure asi, ngapi ntani siruwoke nga ka yi rugana? Sirongwa sina kukwama ko ta si ka faturura matungiko aga ga ku wapaikira Musiti goge geharo.