Uporofete 3. Mahamba
Uporofete 3. Mahamba
‘Ngaku kara ehamba lyomukagu.’—RUKASA 21:11.
● Bonzali, gumwe ogu nga rugana kouhaku mosirongo simwe saAfrika omu amu horauka yita, kwa hetekerere ko kuhakura varugani womomina womodoropa zawo ava ava fu kouvera ou ava tumbura asi Marburg. * Age kwa hundilire mbatero kovarugani vemepangero mositata sapeke, nye kapi ya mu tompokere. Konyima zomakwedi gane, apa va tumine ko wokumuvatera tava ya gwana Bonzali ana fu. Age kwa kagwire uvera owo pokuhakura vanamina.
YISINKE AGA LIKIDA MAUMBANGI? Mahamba ngwendi kapunga nezimo lyokupwaga-pwaga noAIDS noTB nomaralia kuna kara gamwe gomauvera aga gana kudipaga vantu. Momvhura 2004, mauvera ogo gatano kwa dipagere vantu wokusika po-10 700 000. Eyi kutanta asi ago kwa dipagere muntu gumwe monosekonde ntatu.
EPATANESO MUSINKE LYA KARA PO? Sivaro sovantu mouzuni kuna kutwikira kuligwederera, yiyo pana karere vanzi wokukagura.
EPATANESO OLYO USILI NDI? Sivaro sovantu mouzuni kwa ligwederera unene. Yimo hena lya ligwederera evhuliko lyovantu lyokuhakura mahamba. Yipo nye mahamba ngano kwa sesupa. Nye, kapi ya horoka, mahamba kuna kuligwederera.
OVE YISINKE ONO KUGAZARA KO? Vantu kuna kuhepa komahamba ngomu za yi pumba Bibeli ndi?
Ekankamo lyevhu nerumbu nehamba kuna kudipaga mamiliyona govantu. Mamiliyona gomanzi kuvahepeka vakwawo, ano wovanzi kuvahepeka hena owo ngano nava vhura kuvapopera. Koneka eyi wa tanta ko uporofete woBibeli kweyi yina kuhoroka.
[Nondanda dokonhi]
^ para. 3 Uvera owo kwa lifana nouvera Ebola.
[Nonkango depepenuno 6]
“Ayo yidona nsene nyime ndi sikasama tasi li muntu, nye ya lifana hena nsene yimbumburu tayi li muntu monda, nokumona omu yina lihanene nakunye.”—MULIRONGI GOMAUVERA MICHAEL OSTERHOLM.
[Ntundiliro zefano lyepepenuno 6]
© William Daniels/Panos Pictures
