Uporofete 4. Kapi ngava paka nkenda

‘Vantu kapi ngava paka nkenda.’—2 TIMOTEUSA 3:1-3.

● Chris kurugana kombunga zomoIngiranda ezi azi vatera ava azi kundama nyanya zomomambo. Age kwa tente asi: “Tani diworoka mukadi gumwe ogu ga wizire age vana mu toona unene yipo nye kapi na vhulire kumudimburura. Ano vakadi vamwe kapi ava vhuru kutara nge morwa kukora kwawo kopamalizuvho.”

YISINKE AGA LIKIDA MAUMBANGI? Mosirongo simwe somoAfrika, movakadi vatatu gumwe kwa mu kwatera kononkondo pounona. Ekonakono va rugene mosirongo oso kwa gwene asi movagara vatatu gumwe kwa lizuvha asi ayo ya wapa mokutoona vakadi vawo. Nye, kapisi vakadi velike ava toona. Pasihonena, moKanada, movagara murongo konyara vagara vatatu kwa va hepeka vakadi vawo.

EPATANESO MUSINKE LYA KARA PO? Nyanya zomomambo nare za tameka. Naina vantu yipo tupu vana kuzipakera mbili kupita pwanare.

EPATANESO OLYO USILI NDI? Monomvhura edi nyanya zomomambo kuna kuzinkondopeka unene. Nye ayo ya sesupika nyanya zomomambo ndi? Hawe. Kudira kukara nonkenda kuna lihana unene nakunye.

OVE YISINKE ONO KUGAZARA KO? Etjangwa lya-2 Timoteusa 3:1-3 kuna kusikilira mo ndi? Wovanzi kapi va kara nonkenda komapata gawo ndi?

Uporofete wautano una kusikilira mo kuna kara kuhamena evhu. Tarurura eyi za uyunga ko Bibeli.

[Nonkango depepenuno 7]

“Nyanya zomomambo kuna kara umwe woukorokotji wounene ou ava dira kurapota. Sinzi sovakadi kuvahepeka vagara vawo yikando yokusika 35 ntani vana kuza va ka yi rapote kovaporosi.”—MUUYUNGILIPO GOVAKADI AVA ZA KUNDAMA NYANYA ZOMOMAMBO MOSIRONGO SAWALES.