Uporofete 5. Wokuzonagura evhu

‘Karunga nga ka zonagura ava wokuzonagura evhu!’—EHORORO 11:18.

● Munekuto Pirri kwa kere nongesefa zokurandesa vhinyu momukunda gwaNigeria, Kpor. Unangesefa wendi kwa u zonagwisire po enyateko lyomema gomomukuro gwaNiger. Age kwa tanta asi: “Enyateko lyomema momukuro gwetu kwa dipaga nomfi detu nokuzonagura yipapa yetu. Ngesi kapi nina kara noyirugana.”

YISINKE AGA LIKIDA MAUMBANGI? Kuliza novakonentu vamwe kwa tanta asi notona doyihando dokusika po-6 500 000 kuditjisira momafuta nkenye mvhura. Kwa yi ngungunyikira asi harufa zoyihando oyo kuna kara yipurasitika eyi ngayi kara mo nomvhura mafere komeho yi ka dongonoke. Kugusa ko kunyateka evhu, vantu kuna kuhepeka unene yiruganeso yopaunsitwe. Makonakono kwa likida asi evhu lya hepa mvhura zimwe nomakwedi gatano mokutengwidira po yiruganeso oyo ava ruganesa vantu momvhura. Saitunga zimwe kwa tente asi: “Nsene sivaro sovantu kuna kutwikira ligwederera ntani neyi vana kuruganesa, ose ngatu hepa kukara nomavhu gavali momvhura 2035.”—Sydney Morning Herald.

EPATANESO MUSINKE LYA KARA PO? Vantu kwa kara nonondunge ntani kuvhura kugwana makohononopo gomawa komaudigu. Ose kuvhura kuwapukurura maudigu ogo nokupopera evhu.

EPATANESO OLYO USILI NDI? Vantu wovanzi ava ava rugana unene va nongonona maudigu gonkarapamwe. Nye simpe evhu kuna kulinyatera momunene.

OVE YISINKE ONO KUGAZARA KO? Pana kara hepero kwaKarunga mokulihameka mo yipo a popere evhu lyetu eli vana kuzonagura, ngomu ga yi tumbwidira ndi?

Mokugwederera ko komauporofete gatano aga tuna tarurura, Bibeli za pumba hena yihorokwa yoyiwa yopomazuva gopouhura. Konakona sihonena simwe momauporofete ntazimwe.

[Nonkango depepenuno 8]

“Ame kuna kulizuvha asi na kere moparadisa nye ngesi kuna kara moyihando.”—ERIN TAMBER, KWA TUNGA KONONTERE DEFUTA, AMERIKA, KOMBINGA ZENYATEKO LYOMEMA LYOMOMVHURA 2010 MEFUTA LYAMEKSIKO.

[Kakende kepepenuno 8]

Karunga yige ya tumbukira ndi?

Mokumona asi Bibeli kwa pumba nomukaro donondona edi tuna kumona naina, ngoso Karunga yige ya tumbukira oyo ndi? Yige a tu ninkisa tu hepe ndi? Ove kuvhura o gwane malimbururo gokuhafesa komapuro ogo megaununo 11 mobuke Yinke azi rongo Bibeli sili? va nduruka Nombangi daJehova.

[Ntundiliro zefano lyepepenuno 8]

U.S. Coast Guard photo