Kovaresi vetu
Ruhungu oru ono kuresa ngesi kwa tameka kurupwagesa mwaPembankuru 1879. Ngomu sa pita siruwo, sifo esi naso kwa si rundurura. (Tara mafano keguru.) Mosifo esi soRuhungu, ngo dimburura asi muna kara hena marunduruko. Marunduruko musinke?
Moyirongo yoyinzi, vantu wovanzi kwa hara kupapara nombudi koInterneta. Morwa ureru kugwana nombudi koInterneta, awo kuvarerupira kuresa nombudi odo. Nobuke noyifo nonosaitunga kuvhura kuyigwana koInterneta.
Morwa sinzi sovantu kwa hara kuresa koInterneta, ose twa rundurura emoneko lyo-www.pr418.com mokukoka elituromo lyovantu ntani ureru kuziruganesa. Vantu ava ava tara koInterneta kuvhura va rese yimbapiratjangwa eyi ya kara momaraka gokupitakana 430. Kutameka kwedi oku, yirongwa yimwe eyi ngayi moneka nare moyimbapiratjangwa yetu ngesi ngayi moneka tupu koInterneta. *
Mokumona asi ngatu pwagesa yirongwa yoyinzi koInterneta, sifo esi sanavenye soRuhungu kapi ngasi kara hena nomapenuno 32, nye mapenuno 16. Ruhungu oru kuna kurunduruka momaraka 204. Morwa ngaru kara nomapenuno gomasesu, ngesi ngayi kara ureru kutoroka sifo esi momaraka gomanzi.
Tuna si huguvara asi marunduruko aga ngaga tu vatera tu hanese kovantu wovanzi mbudi zoBibeli zokugava eparu. Yi kare asi kupitira mokunduruka ndi koInterneta, ose tuna tokomene kutwikira kupwagesa nombudi donongwa yipo varesi vetu wovanzi ava va pura moBibeli va gwanene mo uwa.
Vagavi
^ para. 5 Yirongwa eyi ngayi moneka tupu koInterneta kuna kara eyi yina kukwama ko: “Vadinkantu,” yirongwa eyi ayi likida omu vadinkantu nava lironga Bibeli, ntani “Yirongwa yange yoBibeli,” yirongwa eyi va wapaikira vakurona va ronge vanona wonomvhura ntatu yi gurumwise.
