Sirongwa Sokuhova: Yisinke natu lirongera ko kwaMosesa
Yilye Mosesa?
Yisinke o gazara apa o zuvhu edina Mosesa? Ove kugazara . . .
-
mukeke ogu va tulire ozina mosimbamba momukuro gwaNili ndi?
-
ndi mumati ogu ga rerere munwaFarawo gomukadi moEgipite ntani ogu ga dilire kudivara asi age Muisraeli?
-
ndi mugara ogu ga parukire ngomusita gononzwi moMidiyana nomvhura 40?
-
ndi mugara ogu ga uyungire naJehova * posinhwa somundiro?
-
ndi mugara ogu ga pulire nouradi hompa gwaEgipite a mangurure Vaisraeli moupika?
-
ndi mugara ogu Karunga ga tanterere a divise Mahepeko Murongo koVaegipite apa hompa gwawo ga swawire Karunga gosili?
-
ndi mugara ogu ga pitisilire Vaisraeli morugendo rwawo rokutunda moEgipite?
-
ndi mugara ogu Jehova ga ruganesere mokutepana Efuta lyEgeha?
-
ndi mugara ogu Karunga ga pere Yipango Murongo a yi gave koVaisraeli?
MOSESA kwa ligwanekerere noyihorokwa nayinye eyi ntani nayimwe hena yoyinzi. Eyi yiyo mugara ogu gomulimburukwi ava mu fumadekere unene Vakriste noVajuda ntani noVamuslema!
Yosili, Mosesa kwa kere muporofete ogu ga rugene “yininke yoyinene yokutjilisa.” (Deuteronomium 34:10-12) Age kwa pulisilire Karunga a mu ruganese moyirugana yoyinene. Nampili ngoso, Mosesa kwa kere muntuuntu tupu. Ngwendi muporofete Eliya, ogu ga monekere kumwe naMosesa melisitunuko lyaJesus apa ga kere pevhu, Mosesa nage muntu “gokuhepa ga kere ngwendi nyose.” (Jakopo 5:17; Mateusa 17:1-9) Mosesa kwa ligwanekerere nomaudigu gomanzi ngwendi gaaga tuna kuligwanekera nago, nye ya mu tompokere mokugalididimikira.
Ono hara kudiva omu ya mu tompokere oyo ndi? Konakona yikara yoyiwa yitatu eyi ga likidire Mosesa ntani neyi natu lirongera ko kosihonena sendi.
^ para. 7 Jehova yilyo edina lyaKarunga ngomu za yi horora Bibeli.
