Bibeli Nonkango daKarunga. Azo ngwendi mbilive zokutunda kwaguhya geharo. (2 Timoteusa 3:16) MoBibeli, Karunga kufaturura omu natu vhura kumuhafesa neyi ga pulisira udona ntani eyi nga ka ruganena vantu komeho. Nye varongi womomaukarelikarunga kuronga yimpempa, makura vantu wovanzi kugazara asi kapi ngava kwata egano Bibeli.—Yirugana 20:29, 30.

Jehova Karunga kuna hara tu dive usili wokumuhamena. Yiyo ga tu pa buke ezi natu vhura kukwata egano.—Resa 1 Timoteusa 2:3, 4.

Kugusa ko tupu kutupa Bibeli, Jehova ga tu pa evatero tu zi kwate egano. Age kwa tumine Jesus a ya tu ronge. (Rukasa 4:16-21) Jesus nga vatere vantu va kwate egano Matjangwa, pokutumbura novelise dokulisiga-siga.—Resa Rukasa 24:27, 32, 45.

Jesus kwa tulisire po mbungakriste yipo sirugana esi ga tamekere si twikire. (Mateusa 28:19, 20) Naina, vasikuli vaJesus wousili kuna kuvatera vantu va kwate egano eyi azi rongo Bibeli kuhamena Karunga. Nsene ono hara kukwata egano Bibeli, Nombangi daJehova ngadi ku vatera.—Resa Yirugana 8:30, 31.