Malimbururo komapuro goBibeli
Morwasinke atu kandererere asi Uhompa waKarunga u wize?
Ono hara kudiva ko yoyinzi kuhamena Uhompa waKarunga neyi ngau ka sikisa mo ndi?
Uhompa waKarunga kuna kara epangero lyemeguru. Jesus kwa tanterere vasikuli vendi va hundire u wize morwa awo ngau ya reta uwa nombili pevhu. Kwato epangero lyokuvhura kugusa po nyanya noudona ndi mauvera ntudi Uhompa waKarunga ntani. Karunga kwa horowere Munwendi, Jesus, a kare Hompa goUhompa owo. Jehova kwa horowere hena mbunga zovasikuli vaJesus ngava ka pangere kumwe naJesus moUhompa owo.—Resa Rukusa 11:2; 22:28-30.
Ntaantani Uhompa waKarunga ngau ya guse po navenye ava ava u rwanesa. Apa atu kanderere asi Uhompa waKarunga u wize ose kuna kuhundira epangero lyaKarunga li ya guse po mapangero gomouzuni.—Resa Ndaniyera 7:13, 14; Ehororo 11:15, 18.
Morwasinke Uhompa waKarunga ngau vhulira kuretera vantu uwa?
Morwa Jesus nga kara Hompa gomuwa gonkenda. NgaMunwaKarunga, ga kara nononkondo dokuvatera owo ava kugu kwaKarunga.—Resa Episarome 72:8, 12-14.
Uhompa waKarunga ngau retera uwa navenye ava ava hundire u wize nokusikisa mo mpango zaKarunga. Ngo gwana ruhafo pokulironga eyi azi uyunga Bibeli kuhamena Uhompa waKarunga.—Resa Rukasa 18:16, 17; Johanesa 4:23.
