Gazara tupu omu vantu nava gwanena mo uwa nsene pa kara epangero limwe mouzuni. Naina vantu vamwe nohepwere ano vamwe nongawo. Nye epangero lyewa kuvhura kusikisa mo yihepwa yovantu navenye. Kuvhura vantu ngava tulise po epangero lyangoso ndi?—Resa Jeremiya 10:23.

Mapangero ya ga sumpira kusikisa mo yihepwa yovantu, unene po yonohepwere. Mapangero gamwe nyanya. (Muudisi 4:1; 8:9) Nye Karunga Munankondo nadinye ga tumbwidira asi nga tura po epangero eli ngali pinganena po nagenye. Ogu nga pangera nga pakera mbili vantu.—Resa Jesaya 11:4; Ndaniyera 2:44.

Jehova Karunga kwa horowora Munwendi, Jesus a kare Mupangeli. (Rukasa 1:31-33) Apa ga kere pevhu, Jesus nga vatere vantu. NgaHompa, nga ka reta vantu navenye mouumwe nokugusa po ruhepo.—Resa Episarome 72:8, 12-14.

Vantu navenye ngava tambura Jesus ngoMupangeli gwawo ndi? Hawe. Nye Jehova kuna kulididimikira. (2 Peturusa 3:9) Age kuna kupa vantu mpito va tambure Jesus ngoMupangeli gwawo. Jesus ntaantani nga ka guse po vantu wovadona nokukareta mbili nompora uzuni mudima.—Resa Mika 4:3, 4.