Nomfa daJesus kwa kere sihorokwa somulyo mehistoli, age kwa fire mokutengwidira vantu keparu eli va zumbanesere. Vantu kapi va va sitire neharo lyokurugana udona ndi va vere ndi va fe. (Genesis 1:31) Nye nzo kwa wiza mouzuni kupitira momuntu gokuhova, Adamu. Jesus kwa geve eparu lyendi a tu zowore kononzo nokonomfa.—Resa Mateusa 20:28; Varoma 6:23.

Karunga kwa likida eharo lyenene pokutuma Munwendi pevhu a ya tu fire. (1 Johanesa 4:9, 10) Jesus kwa tanterere vasikuli vendi va diworoke nomfa dendi kupitira mosilika omu mwa hamenene mboroto novhinyu. Pokuyirugana nkenye mvhura, azo nkedi zokulikida rupandu rwetu keharo eli ga tu likida Karunga naJesus.—Resa Rukasa 22:19, 20.

Apa Jesus ga tanterere pomuhowo varongwa vendi va diworoke nomfa dendi, age kwa uyungire kuhamena egwanekero ndi elizuvhasano. (Mateusa 26:26-28) Alyo kwa va pere mpito va ka kare vahompa novapristeli kumwe nage meguru. Nampili ngomu mamiliyona aga diworoka nomfa daJesus, vaava tupu va kara megwanekero eli yiwo va wapera kulya komboroto nokunwa kovhinyu.—Resa Ehororo 5:10.

Konyara nomvhura 2 000 da ka pita, Jehova kwa horowora ava ngava ka kara vahompa. (Rukasa 12:32) Awo vasesu mokuvahetakanesa nava ngava ka parukira narunye pevhu.—Resa Ehororo 7:4, 9, 17.